Tuon ang tingin ng limang bituwin sa kamay ng dalagita na hindi makapaniwala sa narinig mula sa kanya. Kunot ang noo ng lima sa pagbubunyag ng dalagita sa panibagong hamon na kahit isa sa kanila ay walang ideya kung saan ang patutunguhan.
"Lagusan ng mundo ng kadiliman? Ano bang sinasabi mo?" Natatawa man ay may kaba si Zenon sa kanyang nalaman. Hindi niya naisip na mayroong ganoong mundo.
"Ang purselas na ito ay nagmula sa mga magulang ko. Maging ang kapatid kong si Otis ay mayroon nito. Ang kambal na palawit ang makapagtuturo sa inyo sa kinaroroonan ng limang liwanag."
Lalo lamang naguluhan ang isip ni Zenon sa malayong sagot ng dalagita sa kanyang tanong. Gayunpaman ay iba iyon para kay Konad. Inusog ni Konad ang upuan upang makalapit kay Layla na interesado sa mga sasabihin pa nito
