Kunot noong tumingin ang mga bata kay Leo matapos ay muling tumingin kay Nia. Bakas sa mukha nila ang na hindi sila sang ayon sa sinabi ng kanilang kuya.
"Huwag na. Hindi naman siya maganda." Irap ng batang lalaking naka pasan sa likod ni Leo.
"Oo nga. Mas maganda si Binibining Fuyo. Siya nalang ang pakasalan mo." Sang ayon ng isa pang bata na naka kapit sa kanyang tagiliran.
Kinurot ni Leo ang pisngi ng batang nasa tagiliran niya. "Hindi na pwede." Nang ibaling ni Leo ang kanyang tingin kay Nia ay bahagya niyang hinawakan ang labi niya.
Nawala ang kaunting ngiti ni Nia na napalitan ng pamumula ng mukha. Hindi nakatakas iyon sa mata ng mga bata. "May lagnat ka po ba, Ate? Namumula po ang mukha n`yo." Puna ng batang dala ni Leo. Humagikgik naman ang iba na tila ba naiintindihan ang pina
