Sa ilang beses na paghampas ni Nia sa kanyang Karisma ay siyang pagsabay ng alab sa kanyang likuran. Malakas ang dibdib ng sinumang nakasasaksi sa nag aalab na sayaw ni Nia. Bagama't may pangamba ang ilan sa kanila na ang sayaw ay tila ba hiling ng isang madugong labanan ay hindi niyon natatanig ang pagkamanghang nararamdaman ni Tandang Bashra.
Sa pagbihis ng tugtugin ay siya ring pagbilis ng gawa ni Nia. Napakagaan sa mata ang pagpapaikot ikot niya rito at pagpapalit palit sa kanyang mga kamay.
Laking gulat ng lahat nang ang espadang anyo ng kanyang Karisma ay nahati sa dalawa. Kapwa pinaikot ni Nia ang dalawang bahagi ng kanyang Karisma sa magkabilang niyang kamay. Sa saliw ng mabihis na tambol ng tugtugin ay siya ring pagbihis ng paghampas ni Niya sa dalawang espada na halinhinan sa
