رواية إحكيلي

الفصل ٥١

هي : انا متجوزة من عشر سنين شخص طيب و كويس ، لكن مرينا بمشاكل ادمان كتيير ، و وسط كله ده طبعا مفيش شغل ، و اهله بيصرفوا علينا و على القد مش بنجيب كل حاجه طبعآ و لا بنصرف زى اى بيت .

هو بقاله سنين متعافي لكن قاعد في البيت ، حرفيا مبينزلش خالص شغل كل ما نقوله لازم تشوف شغل و تشتغل ، يقول ما انا بفكر ممكن اعمل ايه او اشتغل ايه بس مش لاقي نفسي فى حاجه معينه !

و انا شخصية ضعيفة جدا ، دايما ساكتة عن كل حقوقي اتكلم مرة و اتنين و عشرة يقول حاضر و ينفض لحد ما تعبت من كتر الكلام ، لدرجة ان طول السنين دي مفيش حمل و لا اطفال و هو و لا بيسعى و لا عايز يدور و لا نروح لدكاترة و لا اي شيء .

فلوس مش بيديني بالع** انا بشتغل و عشان عارفة ان مش معاه بديله كل اللي معايا ، حرفيا مجبتش لنفسي حاجة ابداااا و كنت سلبية و جبانة ، ساكتة و مش هنكر قصاد ده كله هو عدا تقصيري في البيت و التنظيف بس الحياة ماتت بيننا