رواية إحكيلي

الفصل ٥٢

كانت شابه حلوة و يبان عليها المرح و الهدوء فى نفس الوقت ، لكن ما يبانش عليها ان عندها مشاكل ممكن تكون مضيقاها و وجعاها و منغصه حياتها ، يعنى زى اغلب الناس ، تشوفهم تقول مستحيل يكون عندهم هموم ، و بمجرد ما تتكلم معاهم تكتشف بلاوى فى حياتهم تصدمك و تستغرب ان هما ازاى مكمليين كده و عايشين و تلاقي نفسك بتدعيلهم ان ربنا يصبرهم و يف*ج عنهم مشاكلهم .

بدأت تحكيلي حكايتها لما قالت : مشكلتي هي ان انا اتخطبت لشاب عادي كويس لمده ١٠ شهور و بعد كده قرر يسافر عشان الظروف هنا صعبه بالنسبه للزواج و سافر فعلا ف احدي الدول العربية و فى الاول قال حيسافر كام شهر و بعدين بقوا سنه ، و بعدين الحقيقه سافر سنتين متواصلين و جه قبل الفرح بـ اسبوعين فقط و بعد الجواز قعد معايا شهرين و انا كنت حامل و بعد كده مجاش تاني غير بعد سنتين كمان كانت بنته عندها سنه و شهر .

و نزل اجازه لمدة شهر فقط شاف بنته و سافر تاني لمده سن