زى كل مرة مع حالة جديدة و حكاية جديدة ، مش بحكيها و لا انتو بتسمعوها عشان نتسلى و نعرف اخبار الناس و خلاص ، لا أبدآ ، بنحكيها و نهتم نعرفها و نعرف تفاصيلها عشان نتعلم منها و تتضاف لقائمة الخبرات بتاعتنا ، يمكن نتعرض لموقف من دول فنبقى عارفين نتصرف فيه ازاى ، و الحرص برضو مش لازم يخلينا شكاكيين ومش مديين الناس الامان .
يعنى زى المثل لما بيقول ( حرص و لا تخون )
يلا نسمع منها و نشوف نقدر نساعدها ازاى ؟
هي : أنا مخطوبة من 2014 و اتجوزت في 2015 ، يعني بعد الخطوبة بـ 8 شهور
و غضبانة عند اهلى من شهر 11/2019 و من يوم الخطوبة و احنا بنشترى الشبكة و جوزى واحدة رنت عليه و رديت أنا ، سألتنى انتى مين ؟ ، قولتلها أنا خطيبته ، قالتلى و انا مراته !! طبعا انا اتصدمت ، و هو قالى دى واحدة بتجرى ورايا و واحدة مش محترمة .
بس فـ سكت زيي زى اى بنت النهاردة بتشترى شبكتها و مش عايزة تنكد على نفسها و مصدق
