رواية إحكيلي

الفصل ٥٤

قالت لي : انا هحاول بقدر المستطاع احكي مشكلتي بأختصار لكن اعذريني لو طولت عليكي لان فيه بعض التفاصيل لازم اذكرها .

انا : احكى براحتك و خدى وقتك و انا سمعاكى .

هي : مبدأيا انا متجوزة من 3 سنين و 9 شهور ، جوزي شخص محترم جدا و جد جدا و شخص عملي بيحب شغله لابعد مدى و نادرا لو قابل حد من اصحابه و قعد معاه علي قهوة مثلآ او راح معاه مشوار ، شخص خيّر جدا مش بخيل و لا يعيبه شئ غير انه مدخن و عصبي .

عندي منه طفلين ، بنوته عمرها 3 سنين و بيبي عمره 9 شهور .

يعني الحمدلله ربنا كرمنا من وسع انا و زوجي و رزقنا بـ اولادنا اول جوازنا .

بس علي اد ما هي حاجة حلوة برضو سببت مشكلة و هي ان جوزي دايما يشتكي اني مهتمة بـ الاولاد اكتر منه مع اني ببذل اقصي مجهوود علشان محسسوش اني مقصرة في حقه او مهملة فيه زي ما بيدعي .

قعدت معاه اكتر من مرة اوضحله اني مش مهملة فيه ، كل الحكاية اني ممكن بعض فى بعض الاحيان أأخر