رواية إحكيلي

الفصل ٥٥

كانت قصته طويلة جدآ ، بس هو كان مرتاح كده و هو بيحكى ادق التفاصيل و عنده خوف من انه ينسى اى تفصيلة او اى حاجه ممكن تفيد فى حكمى على القصة و من وجهة نظره انى لازم اعرفها ، طبعآ من صيغة كلامى يبان انه بطل قصتنا راجل ..

لو اللى بيقرا دلوقتى باله قصير يبقى ما يكملش بس هيفوته احداث و قصة من نوع خاص .....

قال : ياريت تستحمليني لو طولت عليكى ، مش عارف ابدأ منين بصراحه ، بس أنا عندي 30 سنة متجوز من 6 سنين مراتى عندها 29 سنة .

فى أول الجواز كانت هادية و مطيعة ليا و بتحب أهلى و بتعاملهم كويس و عاشت معانا في بيت عيلة و هي حابة ده مش مجبرة عليه و أهلي دايما كانوا بيشكرو فيها و في حسن إستقبالها لاخواتي البنات فجأة كل ده اتبدل وبدأت امى تشكى من مراتى و فجأة تخلق مشاكل ليا أنا و لما أتكلم مع أمي تقولي إن مراتى قست قلبي عليهم و دايما رابطة مراتى باي حاجة وحشة تحصل .

مع العلم إن مراتى عمرها ما اشتكت من