رواية إحكيلي

الفصل ٣١

قالتلي: انا يمكن مجيتش هنا عشان مرض نفسي او حالة نفسية بعانى منها، انا جيت هنا زى كتير اوى ما بيجوا لحضرتك، عشان استشارة محتاجينها منك او نصيحة بتصرف صح نعمله، حضرتك مشهورة بانك عمرك ما رديتى حد جالك حتى لو استشارته مش فى نفس تخصصك.

ابتسمتلها و انا بقولها: لا تخصص ايه انا خلاص بقيت اخصائية علاقات اسرية مش دكتورة نفسية خالص...

ضحكت بخجل و الضحكة ممنعتش الحزن الباين فى عينيها و قالت: لو مكنتيش حضرتك بتنجحى فى مساعدة الناس فعلا و انك توصلي كل واحد للى هو محتاجه مكانش الناس قصدوكى فى حاجات يمكن تكون بعيدة عن تخصصك، بس هما مش شايفين فيكى غير طوق النجاة اللى بيتعلقوا بيه..

شكرتها على كلامها الجميل فى حقي و طلبت منها تبدأ تحكيلي عشان نشوف مع بعض ايه ممكن يكون التصرف الصحيح...

بدأت حكايتها لما قالت: أنا بقالي ٥ سنين في مشاكل بسبب انسانه حسبي الله و نعم الوكيل فيها دخلت علي عليتنا بحب كبير و مع