رواية إحكيلي

الفصل ٣٠

المرة دى قصة لرجل محتار، ايوا زى ما قريتوا كده، راجل مش ست اللى بيشكى و حياته متلغبطة و شك انه بيعانى من حالة نفسية بسبب احداث حصلت فى حياته، يلا نشوف هيقول ايه.

أنا متزوج من اربع سنين في بيت عيله بس كل واحد منفصل في شقته ماحدش بيدخل عند حد الا بدعوه مسبقه و كل واحد حياته مستقله تماما امي كانت بتضايق من مراتي انها مش بتسال عليها غير مرتين تلاته كل شهر تفوت عليها و هي راجعه من المدرسه ( مراتى بتشتغل مدرسة) تقعد عشر دقائق و تطلع، و زعلانه منها كمان فى ان امي لما كانت مسافره مراتي ماكانتش بتسال عليها ابدا و اخواتي كانوا دائما يقفوا مع مراتي و يقولوا يمكن مشغوله أو وراها حاجه و كانوا دائما يقفوا ضدي مع مراتي لأنها قربيتنا، أول مشكله كانت بعد الجواز بست شهور أن مراتي كانت قررت إنها تدي درس في سنتر و انا وافقت و كنت بروح لها بعد شغلي علشان نروح سوا، في مره اتاخرت اوي جوه السنتر و اتخانقت معاه