"Uy, Tara! Kanina pa kita hinahanap nandito ka lang pala," sabi ni Nico nang makalapit sa kanila. Subalit natigilan rin ito nang mapansing may kasama pala siya. Kunot noo nitong binalingan ang gilid niya kung saan nakatayo si Duke. "May kasama ka pala..."
Nawala sa isip niyang nagpapasama nga pala si Nico sa mall. Hindi niya tuloy ito nasabihang may iba siyang lakad.
Alanganing ngumiti si Mary. Sinulyapan niya si Duke. Hindi niya nga lang nakita ng maayos ang ekspresyon sa mukha nito dahil bumalik rin ang tingin niya kay Nico.
"Oo. Biglaan lang rin."
Binalingan sila ni Kate na tapos nang makipag-diskusyon kay Nate. Medyo nagulat pa ito. nang makitang nakatayo sa tabi niya si Nico. "Anong ginagawa mo diyan?"
Nagkibit ng balikat si Nico. "Wala. Papasama sana ako kay Mary sa mall. P
