UMAATRAS si Mary nang humakbang si Duke palapit sa kaniya. Nang mapansin nito ang ginawa, huminto ito at nagtagis ang panga.
"Kung hindi mo ako iniiwasan, bakit hindi ka sumasagot sa mga text at tawag ko mula kahapon pa?"
Yumuko si Mary at nakagat ang ibabang labi nang marinig ang frustration sa boses nito. "S-Sorry... hindi ko kasi napansin na lowbat ang cellphone ko kahapon. Kaninang umaga ko lang na-i-charge."
"Na-lowbat?" Ulit nito sa tonong hindi naniniwala sa sinabi niya. "Alam mo na magkikita tayo after school. Pero hindi ka nagpunta sa meeting place natin. What's wrong?"
Natigilan si Mary nang hawakan nito ang babà niya at itinaas yon para pagpantayin ang mukha nila.
"Don't go around the bush, Mary. Kung may hindi ka nagustuhan sa sinabi o ginawa ko, just tell me so I can e
