HINDI na namalayan ni Mary nang makalapit ang mga kaibigan kay Patricia. Paglingon niya, nakatayo na si Floryn sa likod nito hawak mga kamay ng babae.
"Let me go!" Nagpupumiglas na sigaw ni Patricia. Namutla ito at tila nawala ang tapang.
"Pinakinggan mo ba si Mary nang sabihin niya 'yan sa 'yo!" Galit na sigaw ni Kate sabay inambaan ito ng suntok.
Namilog ang mga mata ni Mary. "Girls!" Umaawat niyang tili.
Subalit tila walang naririnig na lumipad ang kamao ni Kate, sapul sa pagmumukha ni Patricia. Napahiyaw ito sa sakit. At dahil sa lakas ng suntok, dumugo ang ilong nito.
"Ahhhh! My nose!" Nagpapanic na tumingila si Patricia nang makita ang dugong umagos sa ilong nito.
"Bagay lang sa 'yo 'yan! Noon pa ako nagtitimpi sa 'yong bruha ka!" Sabay pakawala ulit ng suntok ni Kate sa ng
