BUONG maghapon na nasa kwarto lang si Agatha. Hindi kasi siya hinayaan ni Nana Rosita na lumabas dahil mahigpit na habilin ni Alfonso na bantayan siya nito hanggang sa makabalik ito mula sa paglilibot sa hacienda para kumustahin ang lahat ng trabahante nito at tingnan na rin kung may problema sa produksiyon ng mga produkto nito.
Nababagot na siya dahil wala siyang ibang ginawa kundi ang humilata na lang, kaya nang dumating ang lalaki ay laking tuwa niya at sinalubong pa niya ito sa pintuan, pero natigilan siya nang maaalala ang nangyari sa kanila kagabi. Tatalikod na sana siya at babalik sa kama nang abutin ng lalaki ang kamay niya para pigilan siya.
“Ayos lang ba ang pakiramdam mo?” malambing nitong tanong. Bakas din sa boses nito ang pag-aalala. “Masakit ba ang katawan mo?”
Mabilis si
