"That was fun!" bulalas ni Agatha nang makaupo sila ni Alfonso sa kahoy na bangko sa ilalim ng puno. Kakatapos lang nilang maghugas ng paa. "Pagod ang mga paa ko pero wala akong pagsisisi. It was worth it," dagdag nito bago tiningnan ang lalaki na nakasandal lang sa puno at nakapikit. "Pero ang pangit talaga ng sayaw mo," pahabol niya para asarin ito.
Nagmulat ito ng mga at sinalubong ang titig niya. "Pagsayaw lang ang pangit sa akin, Agatha," sagot nito at ngumisi. Pagkatapos ay umayos ito ng upo at bahagyang inilapit ang mukha nito sa babae. "Alam mo 'yan," makahulugang dagdan nito.
"H-Hindi," sagot niya at mabilis na umusog palayo sa lalaki. "Marami pang pangit sa 'yo, 'no; hindi lang pagsasayaw," dagdag niya bago nag-unat ng katawan. "Pero ang saya pala ng buhay rito, 'no? I didn't k
