Iris
Gulong gulo ako sa mga pangyayari. Kailan lang ay nasa probinsya ako at kasama si Dennis na ang buong akala ko ay aking kapatid. Tapos ay nagmamadali siyang makaalis kami para lang makasalubong ang mga armadong kalalakihan at halos ikamatay niya ang pagkaka bugbog sa kanya at pagkakabaril. Ang taong sinabi niyang dapat ay lalapitan kung anu’t anuman ang mangyari ay asawa ko pala. Ang pinaka hindi ko inaasahan ay ang katotohanang may anak na pala ako.
Napansin ko na ang mga peklat ko sa tiyan at hindi minsan man sumagi sa isip ko na ako ay nagbuntis o nanganak na. Hindi sa wala akong choice kung hindi tanggapin ang aking anak, sadya lang may naramdaman akong kakaiba ng una ko siyang makita ng iuwi ako ni Alessio sa mansyon niya. Ay Alessandro nga daw pala ang tawag ko sa kanya sabi
