Iris
Sino ang tinakot niya? Hindi niya ako papansinin? Eh di wag! Ako pa ba? Kung ayaw niya akong kausapin, bahala siya sa buhay niya. Hindi man lang niya ako binigyan ng pagkakataon na makapagsalita at makapagpaliwanag! Anong akala niya? Siya lang ang may karapatang magalit? Simula ng malaman niyang nagpi-pills ako ay hindi na niya ako kinausap pa. Dumarating siya ng bahay kapag inaakala niya na tulog na ako. Pero lingid sa kanyang kaalaman ay hinihintay ko siya. Kahit man lang doon ay magampanan ko ang aking pagiging may bahay sa kanya.
Kung hinayaan niya akong magsalita eh di sana naipaliwanag ko kung bakit ko kailangang mag-take ng pills. Alam ko naman ang pinasok ko kaya alam ko rin na kailangan kong maging ina sa kanyang mga anak. Kahit na kakagaling ko lang sa pagkabata ay hindi
