Hindi mawala-wala sa isip ko ang naging alok sa akin ni Yael.
Paulit-ulit kong naririnig sa isip ko ang gusto niyang mangyari sa aming dalawa.
Hindi na nga rin ako nakasunod ulit kay Zandro kina Aling Biring dahil natuon ako agad sa pagninilay-nilay ng mga bagay-bagay tungkol sa sinabi ni Mayor Yael.
Sadyang nakakatukso.
Napakagandang pagkakataon para mapasakamay kong muli ang mansyon na pag-aari ng pamilya ko na ilang taon ko na rin na hindi napuntahan at napasyalan.
Ang totoo naman ay pwede kong puntahan at tingnan man lang sa labas ang dati naming tahanan dahil malapit lang naman ito dahil nasa iisa lang naman na baranay. Ngunit sadyang tinitikis kong huwag ng lingunin pa ang tahanan naming pamilya dahil baka hindi ko kayanin ang emosyon na aking madarama.
Iyong mataas na bahay na
