ALEXANDRIA
"A-ano'ng ginagawa mo rito, kuya?" tanong ko ng bumungad ito sa harap ko.
Isang ngisi ang pinakawalan nito saka sumilip sa likuran ko. "Hindi mo man lang ba papasukin ang kuya mo, Alexa? Alam mo bang galing pa ako ng ospital para puntahan ka pero hindi ka raw pumasok kaya sinadya pa talaga kita rito para dalawin ka. Papasukin mo naman ako." Hindi iyon pakiusap bagkus ay inuutusan niya ako.
Magsasalita na sana ako ng bigla naman siyang pumasok sa loob. Wala na akong nagawa kung 'di ang tingnan siya na printeng umupo sa sofa na animo'y welcome siyang pumasok sa tinutuluyan ko. Ano na naman kaya ang kailangan nito?
"Ikaw lang?" sabi nito at nagpalinga-linga sa loob.
"Ano'ng sasabihin mo, Kuya Anton? Kung wala ka namang sasabihin, pwede bang umalis ka na lang? Masama ang pa
