HALOS LUMUWA NA ang mata ni Wallace dahil wala pa siyang maayos na tulog. Sa tantsa niya ay nasa isang oras pa lang siyang natutulog. Hindi niya kasi alam kung ano ba ang nangyayari kay Selena. Kung ano- ano kasi ang pinabibili nito sa kaniya at kapag hindi napagbigyan, umiiyak ito.
"Wallace walis...ayos ka lang ba? Bakit parang iba ang itsura mo ngayon? Parang nanlalaki ang mata mo na namumula. Nag- aadik ka ba?" seryosong tanong ni Selena.
Sinamaan siya ng tingin ni Wallace. "Wow. At talagang nagtanong ka pa kung bakit? Ano? Hindi mo alam?"
Ngumiwi si Selena. "Hindi. Kaya nga nagtanong ako, 'di ba? Naku, Wallace walis...ano na nangyayari sa iyo. Hindi ka naman ganiyan noong una kitang makita. Parang may nag- iba sa itsura mo bigla. Parang naging haggard ka. Dapat palagi kang pogi dahi
