"Wallace...puwede mo ba akong igala ngayong araw? Medyo nalulungkot kasi ako eh. At gusto ko sanang lumabas..." malambing na sabi ni Selena kay Wallace.
"Okay sige. Magbihis ka na para makaalis na tayo," sambit naman ni Wallace.
Kaagad na nagtungo si Selena sa kuwarto niya upang maghanap ng masusuot. Mabuti na lang at maraming magagandang damit na binili sa kaniya si Wallace. Pinipilit niya ngang bayaran ito sa mga nagastos ni Wallace sa kaniya pero ayaw nitong magpabayad. Kaya naman wala ng nagawa pa si Selena.
Napatingin si Selena sa salamin. Itinaas niya ang damit niya upang makita ang tiyan niya. Hindi pa rin halata ang tiyan dahil sa mag- iisang buwan pa lang ito. Malungkot na ngumiti si Selena dahil naisip niyang bigla si Xian.
"Baby...pakabait ka kay Mama, ha? Hindi kasi alam n
