NANG MAISARA ni Bella ang gate ay agad siyang pumasok sa loob ng mansyon. Naabutan niyang naghuhubad ng sapatos si Maita habang si Laida ay binubura na ang make-up sa mukha. Walang pakialam na nakataas pa ang mga paa nito at nakapatong sa kristal na mesa.
Hindi na niya pinansin ang dalawa at tatapusin na sana ang paglilinis sa kusina nang tawagin siya ni Laida.
“Dalhan mo nga ako ng orange juice, Bella. Bilisan mo,” utos nito.
“Opo,” sagot ni Mirabella. “Kanina nang umuwi at may kasamang lalaki ang bait niyang mag-utos. May ‘please’ pa pero ngayon…” naisaloob ni Bella habang patungo sa kitchen.
Nang bumalik siya sa living room na dala ang hinihingi ni Laida na juice ay narinig pa niyang pinag-uusapan ng mga ito ang lalaking nag-ngangalang Francis. Marahil ay iyon ang pangalan ng la
