PAGKATAPOS ng ginawa nilang pag-uusap ay niyaya ni Francis si Pilo na maglakad-lakad sa hardin. Marami siyang gustong itanong rito.
“Akala ko talaga’y pangit ka, Francis. Mayroon pa pala ngayong sumpa? Sa ganito ka-modernong panahon ay may mga mangkukulam pang nabubuhay? Akala ko’y kapanahunan pa iyon ni Kopongkopong, ah!” wika ni Pilo na may halong biro.
Huminto silang dalawa sa may swimming pool. They seated on an iron knitted chair kaharap ang pool.
Hindi na niya pinansin ang sinabi nito.
“Nakita ko sa vicinity map na may batis sa kanlurang boundary ng hasyenda, Pilo. Napupuntahan ba iyon?”
“Aba’y oo!” Lumiwanag ang mukha ni Pilo nang sumagot. “Sa kabila ng batis na iyon ay ang Hasyenda Miranda. Common property ng dalawang hasyenda ang batis na iyon.”
“Ah, hasyenda Miranda p
