IKA-DALAWAMPU’T LIMANG KABANATA
Summer
Pagkagising ko ay agad akong bumangon at pumunta sa banyo para maligo. Kailangan ko na kasing asikasuhin ang kompanyang ipapatayo namin. Matapos kong maligo ay dumiretso na ako sa walk-in-closet para magbihis. Nag-ayos na ako ng sarili ko. Simpleng make-up lang ang nilagay ko dahil sa Tagaytay lang naman ang punta ko.
Napahinto ako nang makita ko si Keiran na mahimbing na natutulog. Umupo ako kama at saka tumingin sa kaniya. Hinaplos ko ang kaniyang buhok.
“Thank you.” mahinang sambit ko.
Ngumiti pa ako ng bahagya bago tuluyang lumabas ng kwarto. Nakasalubong ko pa si Nimfa pagkababa ko ng hagdan.
“Kumusta ang buhay prinsesa, Miss Isla?” Pinagdiinan pa ang word na ‘Miss’.
“Excuse me?”
“Oh, bakit? Hindi ba?” humalukipkip pa ito sa harap ko.
