Napatingin si Venus kay Jaira. Problema ito.
Umiling si Jaira at pilit na ngumiti sa bata. “Anak, bahagi na iyan ng nakaraan ng iyong tatay ngayon, tatay na lang ang tawag natin sa kanya. Ang iyong Tatay. Wala nang ibang tawag. Naiintindihan mo ba?”
Tumango si Luis. “Sige po, Nay! Basta’t alam kong Tatay ko siya!”
Yumakap ang bata kay Venus.
Ngunit hindi mapakali si Venus. May iba pa palang nakakaalam ng kanyang nakaraan.
Ika-8:00 ng umaga – Paaralan
Inihatid nila si Luis.
Bago tuluyang pumasok ang bata ay hinarap niya silang dalawa. “Tay, Nay, paalam po! Mahal ko po kayo!”
“Mahal ka rin namin, anak!” sagot ni Jaira habang kumakaway.
Nang makalayo na si Luis ay hinarap ni Jaira si Venus. “Venus, ayos ka lang ba?”
Umiling si Venus. “Kung nalaman iyon ni Luis… ibig sabihin ay alam
