May kumatok sa pinto at sumilip si Marco. “Sir! Ma’am! Nasa ibaba po si Binibining Ariana! Nagwawala at ayaw maniwala sa resulta!”
Tumayo si Venus. Muli ay bumalik ang seryoso at matigas niyang tingin. “Ako na ang bahala sa kanya.” Hinalikan niya ang noo ni Jaira. “Dito ka lamang. You’re safe with me.”
Lumabas si Venus upang harapin si Ariana.
Naiwan si Jaira, hawak nang mahigpit ang singsing sa kanyang daliri. Sa wakas ay nakahinga na siya nang maluwag.
Ngunit alam niya… hindi pa tuluyang nagtatapos ang lahat.
Dahil alam niyang hindi ganoon kadaling susuko si Ariana.
Nagwawala si Ariana habang mahigpit na hawak ang batang si Luis. Umiiyak nang mahina ang bata, takot sa ingay at galit ng kanyang ina.
“Sinungaling kayo!” sigaw ni Ariana sa mga guwardiya. “Peke lang ang resulta ng pag
