" Ok ka lang ba, Alhea? " nagtatakang taning ni Manang Carina kay Alhea habang nakaupo ito sa sofa sa sala.
Napatingin si Alhea sa kanya at pilit na ngumiti, " Ok lang naman ako, Manang. Bakit mo natanong? " sagot at tanong ni Alhea sa kanya.
Napabuntong hininga si Manang Carina at tumabi ito sa pagkakaupo.
" Ako ang nag-alaga sa iyo mula pa noong maisilang ka, Alhea. Kahit na nawala ka ng anim na taon, alam ko, naramdaman kong hindi ka pa ring nagbabago, " sabi ni Manang Carina sa kanya.
" Kaya alam ko kung may gumugulo sa isip mo, kung may problema ka o kung may dinaramdam ka, " dagdag pa niya.
Nakangiting napailing si Alhea dahil sa sinabi ni Manang Carina sa kanya.
" Wala akong problema, Manang kaya huwag kang mag-alala, " pagmamatigas ni Alhea.
" Maaari mong itago ang lah
