" Mommy, tumawag si Senior kagabi. Tinatanong ka niya sa akin, " sabi ni Julio kay Althea habang kumakain sila ng agahan.
Napatingin si Althea kay Jade. Tumango si Jade para patotohanan ang sinabi ni Julio sa kanya.
" Ganoon ba? Tatawagan ko na lang si Senior mamaya, " sabi na lang ni Althea.
Napaisip si Althea kung bakit napatawag si Senior Rodrigo kagabi. Hindi naman ito mahilig tumawag dahil sobra itong abala sa kaniyang kumpanya.
" Bakit kasi late ka nakauwi kagabi, Mommy? Hindi tuloy ako nakapagkwento sa iyo, " may pagtatampo sa boses ni Julio.
Napatingin si Althea sa kanya at hinaplos ang kanyang buhok.
" Bakit? Ano ba ang nangyari kahapon, Julio? " nakangiting tanong ni Althea sa kanyang anak.
" Ang dami, Mommy at alam mo ba, nag-enjoy ako kahapon! " masigla niyang sag
