Angelique
“APAT na araw nang nagkukulong si Trevor sa silid ninyo hija.”
Napabuntonghininga ako dahil sa narinig. Pagod na binalingan ko si Manang at pilit na ngumiti.
“Sigurado ka bang maaayos mo pa ang problema ninyong dalawa?” anito at tinapik ako sa aking balikat. Mababakasan ng pag-aalala ang kanyang itsura. Noong isang araw pa siya panay tanong kung ano ba talagang problema naming mag-asawa.
“Hindi… hindi ko na alam manang Nenita. Hindi ko alam kung ano ba ang nangyayari kay Trevor.”
Apat na araw ang nakakalipas simula nang sagutin niya ang tawag na napag-alaman kong mula kay Travis Lei. Sa apat na araw na nakalipas ay hindi na ito lumabas pa ng kwarto naming dalawa. Kahit trabaho nito ay napapabayaan na. Kinakausap ko siya ngunit tinataboy lamang ako nito. At hanggang ngayon
