Araw ng biyernes. Masaya ang awra ni Meygan dahil bukas ay makakabalik na ang kaibigang si Jaileen. Ilang araw niya rin itong hindi nakasama at miss na miss niya na talaga ito.
"Class dismiss," pahayag ng guro.
"Finally..."
Napalingon si Meygan sa pinanggalingan ng boses na iyon at hindi nga siya nagkamali na si Reina ang pinanggalingan niyon.
Tinaasan naman siya nito ng kilay na parang sinasabing "may problema ka". Mabilis na lang niyang iniiwas ang tingin dito. Ayaw niyang makipagmalditahan ngayon. Mas excited siya sa pagbalik ng kaibigan.
Iniligpit na niya ang kaniyang mga gamit na nasa ibabaw pa ng mesa niya saka nagmamadali ng lumabas. Baka may gawin pa si Reina na magtutulak sa kanya para patulan ito.
Balak niyang pumunta muna sana sa library para makuha 'yong librong kailanga
