Tahimik lang siya habang naghihintay sa mga kasamahan nila. Nandoon na siya sa SSG office at sina Brianna at ang Escort na lang ang wala pa. Nakaupo lang siya at hindi nagtatangkang iikot ang paningin dahil ayaw niyang mapatingin kay Cailer o Jayden.
'Ang hirap talaga nitong napasok ko!' bulong niya sa sarili.
"Meygan, kumusta pala iyong cake? Nagustuhan niyo ba ang lasa?"
Hindi niya alam kung matutuwa ba siya na kinausap siya ni Jayden at sadya pang tumabi sa kaniya. Pero napaka rude naman siguro kung hindi siya sasagot lalo pa at tungkol iyon sa cake na dinala pa ng lalaki sa dorm nila kanina. Pabulong lang naman ang tanong na iyon ni Jayden kaya puwede siyang sumagot ng pabulong lang din.
"Okay naman," mahina niyang sagot. Hindi niya lang masabi na hindi siya kumain sa cake. Sina Ja
