TOOSE'S POV
Pinagmasdan ko ang mukha ni Lucy na inosenteng natutulog. Medyo pumayat na ang katawan nito, lubog na ang nga mata, at maputla na ang balat. Halatang nanghihina na siya. Kumirot ang puso ko habang pinagmamasdan itong natutulog, lalo na sa tuwing nahahagip ng mga mata ko ang nakapulupot sa ulo nito. Dalawang araw na rin ang lumipas matapos siyang maoperahan pero wala pa rin siyang malay. Tagumpay naman ang operasyon, pero bakit hindi pa rin ako masaya?
Isinubsob ko ang kalahati ng aking katawan sa tabi ni Lucy at hinawakan ang kamay nito. Dalawang araw na rin akong hindi nakakatulog sa kakabantay sa kaniya, halos gawin ko na ngang bahay ang hospital na ito dahil dito na rin ako naliligo, masiguro lang na lagi akong nasa tabi ni Lucy pagmulat ng kaniyang mga mata. Ayokong mawal
