“There are clothes waiting for you in the room. Help yourself to whatever you need from this place. If you require anything, reach out to the hotel receptionist. Here’s the key card."
Paulit-ulit sa isip ko ang huling sinabi ni Zavier habang nilalaro ko ‘yong card na binigay niya sa ‘kin. Umalis siya kaagad pagkatapos hinaan ang aircon gamit ‘yong remote control nito. Itinuro pa niya sa ‘kin kung anong pipindutin. Pero para madali, ang tinandaan ko lang talaga ay kung paano ito bubuksan at papatayin.
Pinatay ko muna ngayon ‘yong aircon dahil ginaw na ginaw talaga ako. Naisuot ko na ang hapit kong uniporme pero nakabalot pa rin ng kumot ang katawan ko. Nakaupo ako sa sala, nag-aalangang kumilos sa loob ng penthouse. Sobrang tahimik din kasi, halos paghinga ko lang ang naririnig ko.
Ito
