“This is Dalencia Heights, a financial business district.”
Paghinto ng kotse, pinagbuksan agad ako ng pinto ni Wowee. Bumaba naman ako at hindi naitago ang pagkamangha nang makita ang paligid ngayong maliwanag na.
Kanina pa ako hindi mapakali habang nasa byahe dahil gandang-ganda ako sa mga nakikita ko. Hiniling ko pa ngang ibaba ang bintana para maamoy ko ang mas preskong hangin dito. May mga sasakyan sa paligid pero hindi ganuon kausok. Hindi ko alam kung bakit parang hindi yata nadamay ang Dalencia Heights sa polusyon.
Kaya nga pakiramdam ko talaga napunta ako sa ibang mundo. Malayong-malayo ito sa Mariposa District kung saan ako lumaki. Mukhang moderno at matataas ang mga gusali. Iba’t iba rin ang mga establisyimentong makikita sa paligid – karamihan pa ay mukhang mamahalin at hind
