“Bakit parang malalasing ka naman?” natatawang wika ni Danica habang inoobserbahan ang itsura ng pinsan.
“Medyo matapang, eh. Dahil siguro sa alak na dinagdag natin. Medyo imported ata ‘yan, eh,” sagot naman ni Julia.
Nagtawanan lang silang dalawa bago nagsalin ulit sa baso at maglakad papunta kay Jio na nakapikit na sa sofa.
Bahagyang niyugyog ni Danica ang pinsan. Bakas naman ang irita sa mukha nito pagkalingon sa kaniya.
“What?” inis nitong tanong.
“Galit ka ba?” tumatawang saad ni Danica.
“Hindi, bakit?” maikli nitong sagot sa kaniya at saka umunat.
“Tikman mo.” Iniabot ni Danica kay Jio ang alak na ginawa nila ni Julia.
“Ano ‘to?” pang-uusisa ni Jio saka pagod na inabot ang baso sa kamay ng dalaga.
“Lason. Para magising ka sa katotohanan tungkol sa paghahanap sa kaniya,” nag
