NAPAPALATAK SI JESSIE NANG makitang kumpleto silang lahat. Kasama ni Mel si Dominic at dala rin ni Sergi ang fiancee nito. Hindi pa nila nakikita ni anino ng sadya nila.
Mabilis siyang nilapitan ni Emerald. “Jess, honey, let’s talk, please,” pakiusap nito.
She just looked at her with a blank expression. “Ang plastik mo,” harap-harapang sabi niya rito.
Nagulat ito. “Let’s talk somewhere private.”
Nilapitan sila ng maître d’. “Good evening, ladies. Table for…?”
Mabilis na lumapit si Sergi at ito ang nakipag-usap sa maître d’ .
Hinila na siya ni Emerald palayo. Tumingin siya sa naiwang grupo. Hindi pa umaalis si Ignasi, kahit si Dominic. Kung pwede ngang paalisin na si Emerald, tutal ay trabaho naman ang ipinunta nila rito. Kabuhayan nila iyon, kaya huwag nitong paiinitin ang ulo ni
