Nawalan ng reaksyon si Ruby at pati na rin si Rian sa sinagot ni Sammuel, na para bang labag sa kanyang kalooban na naririto siya ngayon sa training room ni Luis. Umupo si Sammuel at dahil hindi nila inaasahan iyon ay halos lumipad na sila sa lakas ng pagkaupo niya sa lupain. Mas lalong pinagtaka nilang dalawa ang kinikilos ng nilalang na iyon dahil walang-wala sa plano nila ang ganitong pangyayari. “Akala ko ba lalabanan ako nito? Parang suko na agad ha?” kunot noo na tinanong ni Ruby ang kaibigan niyang naunang nakasalamuha si Sammuel kaya’t mas may alam siya sa kakayahan ng higanteng iyon at sa iba pa. “At ikaw naman, Sammuel, bakit mo sinisisi sa kaibigan namin ang sarili mong kasalanan? Kung totoo mang si Luis nga ang nagsabi sa iyo na lumabas ka rito eh may choice ka naman na tumangg
