Kasabay ng pagtaas ng mga buhok ni Yuki ay ang paglutang niya sa tulong ng hangin na siyang nakikita na rin ng iba dahil halos nagmimistulang ulap na ito, na nakapailalim sa kanyang mga paa. Ibinaba niya ang kamay niyang nakahawak sa katana at itinapat ito sa dalawang nakaupo na magkambal, dalawang nakatayo na sila Jane at Luis at pati na rin kay Ruby na nakahiga pa rin. Lingid sa kaalaman nilang lima ay may dalawang katauhang naninirahan sa loob ni Yuki kaya ganito ang nagaganap: isang walang ibang hangad kundi makatulong sa kapwa Mirage na madalas naaawa sa kalagayan ng iba at ang isa namang puro kasamaan lang ang nais gawin, katulad na lamang ng nangyayari ngayon.
Sa oras na malipat ang kaluluwa ni Yuki sa masamang katauhan niya ay wala nang makapipigil nito kundi ang sarili niya— kina
