Sa loob ng isipan ni Ruby ay naroon na si Lian na nakatayo habang lumulutang, tila ba'y bigla na siyang nagkaroon ng kakayahang makalipad para pumunta sa iba't ibang sulok na matatagpuan doon. Purong kadiliman ang tanging nakikita niya hanggang sa nagpatuloy siya sa kanyang paglalakbay at pagkatapos ng ilang minuto ay ang pagsilaw ng liwanag ang bumungad sa kanya kaya siya napapikit ng mariin.
Sa pagmulat ni Lian ay namataan niya ang tatlong pinto na may iba't ibang kulay na siyang nakahilera sa isang tabi. Umiilaw iyon maski ang ilang hakbang na hagdan na puti. Ang pinakaunang pinto ay kulay pula, sumunod naman ang kulay na dilaw at ang nasa pinakadulo ay nagtataglay ng kulay na itim. Kung anu-ano man ang sinisimbolo ng mga kulay na ito ay hindi na inintindi pa ni Lian at basta na lang s
