Sa pagkakasakal ni Jazz kay Lian ay unti-unti na niya itong inaangat paitaas sa ere. Sumisipa-sipa na si Lian at pilit niyang inaabot ang lalaki pero hindi niya ito tinatamaan kahit ilang beses niya pang subukan na abutin iyon. Labis na pagkatuwa ang dumadaloy sa sistema ni Jazz sa ginagawa niya kay Lian kaya’t mas lalo pa niyang dinidiinan ang pagkakahawak niya sa babae bawat minutong lumilipas. Habang si Luis naman ay wala pa rin nagagawa at halos mangiyak-ngiyak na lang siya sa sinasapit ng kanyang kaibigan, puno na naman ng pagsisisi ang kanyang isipan. “Kung hindi dahil sa akin ay hindi na sana nasasaktan si Lian ngayon,” bulong niya habang sinasabunutan niya ang kanyang sarili sa sobrang pagkakainis. “Kung kasinglakas lang ako ni Sammuel, makakayanan ko na sana siyang ipagtanggol lab
