DEAR STRANGER CHAPTER 21: Chat with A Stranger
KAI.
Kai.
Kai.
Paulit-ulit iyon sa utak ko. Hindi ko magawang ialis ang magandang pangalan na iyon sa isipan ko. Hindi ko rin mapigilan ang mapangiti sa tuwing naaalala ko na sa wakas ay ibinigay na nga sa akin ni Mr. Stranger ang pangalan niya kahapon.
At hindi lang iyon, may bonus pang kasama dahil hindi lang ang pangalan niya ang alam ko ngayon. Pati ang number niya ay naka-save na rin sa cellphone ko. Tinawagan pa niya ako kagabi para malaman kung nakauwi na ba ako sa amin.
Nagtatatalon tuloy ako kagabi sa buong sala namin sa sobrang kaligayahan. Para din akong sirang plaka na paulit-ulit nagkuwento ng mga nangyari kay lola. Tuwang-tuwa rin naman ang matanda.
Kinuha ko ang aking cellphone mula sa table na nasa kanan ko at saka ti
