Kinabukasan nagising si Ayen sa katok mula sa pintuan ng kaniyang kwarto. Pupungas-pungas pa siyang bumangon at binuksan ang pinto, upang alamin kung sino ang kumakatok na iyon. Napakamot siya sa kaniyang ulo nang makitang ang ate niya pala iyon.
“Aba senyorita, kumilos ka na at kanina pa nasa ibaba ang iyong prince charming!” nakangising saad nito sa kaniya. Doon naman siya tila nagising nang tuluyan at patakbong tiningnan ang oras sa kaniyang cellphone.
“Ate bakit ngayon mo lang ako binulabog?” tanong pa niya sa kaniyang ate, habang hindi siya magkandatuto sa pagpili ng kaniyang isusuot.
Nang makahanap ng isusuot ay agad niyang hinila ang kaniyang tuwalyang nakasabit sa sampayan malapit sa kaniyang aparador, at dire-diretsong nagtungo sa banyo. May pagmamadali ang bawat pagkilos niya
