Revenge of a Battered Wife
By: JOEMAR P. ANCHETA (Pinagpala)
CHAPTER 49
JAXON’S POINT OF VIEW
Hanggang isang araw, nakita kong may pregnancy test na naiwan sa basurahan sa CR. Naisip ko agad na kay Lizzie iyon dahil imposible namang kay Yaya Pacing e matanda na nga. Agad akong lumabas ng banyo at masaya akong kinausap ang aking asawa.
“May gusto ka bang sabihin sa akin?” seryoso ako pero sobrabg saya lang ng nararamdaman ko.
“Gustong sabihin sa’yo?”
“Oo, baka lang may surprise ka na alam ko na.”
“Ano? Hindi kita maintindihan?”
“Sabihin mo na lang kasi.”
“Ano ba kasi ‘yon?”
Ipinakita ko sa kanya ang pregnancy test. Nakita kong nagulat siya. Namutla. Hindi ko alam kung bakit iyon ang kanyang reaction. Kaya pala nasa basurahan lang. Kaya pala hindi niya sa akin agad ipinakita.
