CONTINUATION
"Lorelai, handa na ba ang pinakulong dahon nang bayabas para ipang langgas natin sa sugat," sigaw ni aling Lorie sa kanyang anak.
"Opo inay, isinasalin ko lang po sa palanggana, saglit lang po at dadalahin ko na po diyan." sagot naman nang dalaga.
"Anew, anak nadikdik muna ba ang dahon nang malunggay para pantapal natin mamaya sa sugat niya." muling sigaw ng Ale.
"Malapit na po akong matapos inay." sagot naman ni Anew habang abala siya sa pagdikdik ng dahon ng malunggay sa may almeres.
Si aling Lorie naman ay maingat na binibihisan ang dalagang hindi pa nila alam ang pangalan nito dahil hindi pa din ito nagkakamalay hanggang ngayon.
"Kung sino man ang may gawa sayo nito ineng, napaka walang hiya nila. Hindi ka naman mukang masama at bata ka pa anong dahilan bakit ka nil
