بشرى سارة

الفصل التاسع

.بسم الله الرحمن الرحيم

وبه نستعين

بشرى سارة الفصل 9

داخل الحجز

فهمى بغضب عارم..طلعلنا منين الزفت ده ؟وعرفته امتى وازاى؟

حامد ._لا وبيقولك جوزها

انا طول عمرى بقول على البت دى مش سهلة وماشية على حل شعرها .بس عليا انا كانت عملالى فيها شريفة

.

.اقترب منهم احد المساجين ضخم الجثة ذو شارب عريض ووجه لا يوجد به انش واحد لا يوجد به اثر لجرح او علامة ..

كل واحد فيكم يطلع اللى معاه يله

..حامد..لا بقولكم ايه كل واحد يعرف مقامه هنا كويس احنا مش هفأ ده احنا.......

تلقى لكمة على فمه اخرسته

..فوضع يده بجيبه على الفور.

..اتفضل يا معلم ادى كل اللى معايا

..وانت

فهمى ..معييش حاجة

..ولا سجاير

_لأ اصلى لسه طالع من المستشفى و

..بس بس انت هتحكيلى قصة حياتك طالما ممعكش تدفع يبقى انت اللى عليك الخدمة واللى ااقول عليه يتنفذ. فاهمين

حامد.اللى تؤمر بيه يا معلم

طب اتخمدوا يله كل واحد على سريره متصدعوش دماغنا

تمتم فهمى بغيظ اخرتها المعلم فهمى على سن ورمح هيخدم شوية اوباش زى دول .

..انا لازم اخرج من هنا يا حامد .لازم اخرج باى طريقة ان شاء الله اهرب

..طب بس بس وطى صوتك الحيطان لها ودان؛ لما نشوف القضية الاول هترسى على ايه

.لا انا مش هستنى قضية ومحكمة انا لازم اخرج من هنا فى ااقرب فرصة .

وبنظرة كلها توعد وشر_والواد اللى عمل كده مهما يكون هو مين هيتحاسب هو وبنت الكلب التانية اللى تارى عندها دلوقت بقى تارين

...

________________________

وقفت سارة بشرود امام النافذة تذرف دموعها ب**ت تفكر فى احداث اليوم ولا تعلم كيف انتهت فلم يخبرها زياد بشئ وهى لم تتجرا وتساله

ام سعيد.. سارة .. سارة

انتبهت لها .ايوة يا ام سعيد فى حاجة

...ام سعيد..بنادى عليكى من بدرى يا بنتى سرحانة فى ايه

..بحب منظر البحر بالليل بيهديلى اعصابى بتكلم معاه وبشكيله وبحس انه بيسمعنى

..ام سعيد معاتبة..قلتلك بلاش يا بنتى انتى اللى ركبتى راسك.وعندتى

.هو مشى؟

..

..لأ قاعد فى اوضة المكتب بس كان نازل وهو متعصب على الاخر وبيطلع دخان من ودانه

..طب انا هنزله

.منعتها ام سعيد

لا استنى بلاش تنزليله دلوقتى استنى عليه لما يهدى الست الشاطرة تعرف تختار الوقت المناسب اللى تتكلم فيه مع رجلها

..ابتسمت لها سارة

.انت طيبة اوى يا ام سعيد

ثم تن*دت بضيق .ياريت ماما كانت حكيمة زيك كده

هى صحيح طيبة بس عيبها انها مبتعرفش تعتمد على نفسها ولازم يكون فى راجل فى حياتها يشيل همها مع ان اللى كانت بتختارهم كانوا بيزودولها همها اكتر

.ربتت ام سعيد على كتفها

متظلمهاش يا بنتى .فى ستات كتير كده زيها

متعودوش انهم يشتغلوا او يكون ليهم كيان بعيد عن الراجل ولازم تملى يكون فى راجل معاها حماية بقى ؛ منظر متفرقش اهو بتقولك ضل راجل ولا ضل حيطة مع ان واللهى ساعات الحيطة بتبقى افيد منهم اتعودوا وكبروا على كده ومن الصعب الانسان يغير عاداته اللى كبر وهو عليها

تن*دت ام سعيد باسى وهى تستطرد

..ده لو كانت محظوظة ولاقت اللى يشيل عنها لكن ساعات الدنيا بتجبرها انها تبقى راجل وست فى نفس الوقت حتى لو جنبها دكر المفروض انه بيتقال عليه راجل بس هو ولا يعرف عن الرجولة غير اسمها

.بس على راى المثل ايش رماك على المر قال اللى امر منه

..شعرت سارة انها تتحدث عن نفسها

..انا نسيت اسالك صحيح انتى جوزك موجود عايش معاكى يعنى يا ام سعيد

..ام سعيد بتهكم..عايش ومش عايش

سارة باستغراب..ازاى يعنى؟

يعنى لا مؤاخذة كده متقلعوش من رجلك قاعد طول اليوم على القهوة لا شغله ولا مشغله ولا بيسال على بيت ولا عيال وكل همه مزاجه وراحته ومصروف جيبه اللى مش تعبان فيه اصلا

ولا فكرك سهل عليا انزل اشتغل وابهدل نفسى وانا فى السن ده

سارة لنفسها ...محدش مرتاح وكل واحد عنده همه اللى ربنا يعينه عليه

.بقولك ايه يا حبيبتى ما تدخلى تاخديلك شاور كده تفكى بيه جسمك بعد التوتر بتاع النهاردة وبعدين صلى وادعى ربنا يهديلك الحال وانا هجهز العشا واطلعهولك قبل ما امشى

..لا انا ماليش نفس يا ام سعيد روحى انتى لعيالك وانا لو عوزت حاجة هبقى اعملها بنفسى

.ماشى

_____________________

منه باستنكار..انت بتقول ايه يا تميم .

اللى سمعتيه وفرحك على حمادة هيكون يوم الخميس الجاى

القت منه نفسها فى احضان والدتها.الحقينى يا ماما

عبلة ..معقول يا تميم عايز ترمى اختك الرمية دى

ابراهيم..انت اتجننت يا واد انت عايز تجوز اختك للواد الصايع الشمام ده ومن غير ماتاخد راينا كمان ايوةطبعا مانت بقيت زيك زيه .يا خسارة تعبى وتربيتى فيك

..بقولك ايه ياراجل يا خرفان انت انا مش ناقص صداع ومواعظ على المسا وبعدين دى اختى وانا حر فيها وانت مش ابوها اصلا

..صفعه ابراهيم على وجهه فارتطم بالحائط

وضع يده على وجهه من اثر الصفعة وقد نفرت عروق وجهه من الغضب .ثم دفع والده بقوة وهو يزمجر بغضب

فسقط على الارض وسط صراخ عبلة ومنة

نظر اليه ابراهيم بحسرة وهو يبكى على حاله وعلى الحال التى وصل اليها نبتته الصغيرة التى كانت تحبو وتلعب بجانبه منذ عدة سنوات قليلة

بتمد ايدك على ابوك يا تميم

.انت اللى عصبتنى

ركضت عليه عبلة ببكاء

..قوم يا اخويا .حقك عليا دى غلطتى انا .انا اللى معرفتش اربى

تميم بحدة..انا لغاية دلوقتى محترمكم ومش عايز اغلط فيكم عشان اسمكم اهلى بردو لكن هتزودوها معايا وتعارضونى هرميكم فى الشارع رمية الكلاب ولا نسيتوا ان الشقة دى باسمى واقدر من بكرة اشردكم فى الشوارع ومن دلوقتى انا راجل البيت وكلامى يمشى على الكبير قبل الصغير .فاهمين

والفرح يوم الخميس الجاى وده اخر الكلام ثم جذب السلسال الذهب من ص*ر ش*يقته فوضعت يدها على ص*رها سلسلتى يا حرامى

..اخرسي يا بت بكره عريسك يجبلك احسن منها

..ثم ذهب صافقا الباب خلفه

..جلست منة بجانبهم على الارض وانهار ثلاثتهم بالبكاء

رفع .ابراهيم.وجه للسماء ..حسبى الله ونعم الوكيل .انت القادر يارب تهديه وترجعه عن الطريق اللى ماشى فيه قبل ما يجيب نهايته و هلاكه

________________________

كفاية عياط بقى يا منى وفهمينى في ايه

..زياد مبيحبنيش يا عمتى وبيحب واحدة تانية

... ايه الكلام الفارغ ده يا منى يا حبيبتى الغيرة متبقاش كده؛ كده هتطفشيه منك

..غيره .طب اتفضلى

ايه ده ؟

توكة شعر كانت واقعة فى عربيته..

عايدة_تلاقيها واحدة من موكلينه وكان بيوصلها بعربيته عادى انتى بس اللى مكبرة الموضوع.

مانا قلت لنفسى كده بردو لغاية ما شوفته بعينى .

شوفتيه ازاى يعنى ؟

جاله اتصال وانا قاعدة معاه فى الكافتيريا تقريبا كان من الهانم دى اللى بي**نى معاه لاقيته اتنفض فجاة و مشى وسبنى من غير ما يعبرنى بكلمة .الفار لعب فى عيبى ومشيت وراه بعربيتى لاقيته راح عمارة اول مرة اشوفها وسالت وعرفت انه ساكن فيها استطردت ببكاء اكثر ولما بصيت عليه من فتحة السور لا قيته واقف مع بنت وماسكها من دراعها

..وعرفتى البنت اللى كان واقف معاها دى مين؟

..لا شوفتها من ضهرها .انتى كنتى عارفة انه عنده بيت تانى ياعمتو؟

.ايوة يا بنتى عارفة لما بيبقى عنده قضية مهمة ومشغول بيها كان بيفضل هناك بالليالى ومحدش بيشوفه

.منى بتهكم .قضايا بردو ولا عش للحب والغراميات

عايدة باستنكار ..لا يا منى كله الا كده انا مسمحلكيش ابدا تشككى فى اخلاق زياد

..منى ببكاء طب تفتكرى دى مين ياعمتى لا تكون البنت اللى كان بيحبها زمان

._بطلى هبل ده مبيطقش حتى يسمع اسمها .امسحى دموعك دى .وبطلى تنكدى على روحك وتفترضى حاجات من دماغك لما يجى ابقى اساليه واستفهمى منه وهو اكيد هيوضحلك كل حاجة

.. لا ياعمتى انا احساسى عمره ما كدب عليا ..زياد بيعرف واحدة تانية غيرى احواله بقالها فترة متغيرة معايا ..

..ربنا يهدى الحال يا بنتى سيبيلى انتى الموضوع ده وانا هتحقق منه وهطمنك

بجد ياعمتو؟ ربنا يخليكى ليا

ربتت عايدة على ظهرها وهى تضمها اليها

طبعا ياروح عمتو وانا عندى كام منى ده انتى اللى فضلالى من ريحة اخويا فضل الله يرحمه

_____________________

..صلاح..على فين؟

بشرى_ هاخد عمر ونتمشى شوية زهقنا اوى من قاعدة البيت

.لا مينفعش تخرجى بيه لوحدك افرض جاتله النوبة وانتوا برة مش هتعرفى تتصرفى معاه.

حاولت بشرى مرواغته

..مش هنروح بعيد هنقعد فى الجنينة دى القريبة من القصر

.بردو خدى السواق وواحد من الحرس معاكم

.حاولت الاعتراض

..مش عايز اعتراض لا كده لتدخلوا ومفيش خروج

..حاضر

.همست لنفسها

بشرى لنفسها .طب وبعدين هقابل مازن ازاى دلوقتى والحرس دول اصلا جواسيس مبيخبوش حاجة على الزفت صلاح

..اتصلت بمازن واخبرته

..مفيش مشكلة انتى ممكن تقولي للحارس انك داخلة تجيبى حاجة من المول لعمر ونتقابل هناك وفى باب تانى هنطلع منه على المستشفى نعمله التحليل والاشعة وترجعى من نفس الباب اساسا المستشفى خطوتين من المول متقلقيش

فعلت مثلما طلب منها

وقابلته بالمول ثم خرجا معا ابتسم برضا من نتيجة الاشعة.

هايل اوى كده نتاكد من التحليل كمان ويبقى كده مستعد للعمليه

هدبرله ميعاد فى ااقرب وقت وابلغك بيه..

شعر بتوترها.متخافيش يا مدام بشرى الدكتور اللى هيعمله العملية ده كان استاذى فى الجامعة دكتور شاطر جدا ومتمكن وعمل كذا عمليه شبه عملية عمر وكلهم نجحوا

.بشرى بخوف ..

..طب وعمى صلاح هنقوله ايه ؟وهنخرج عمر من القصر ازاى اصلا

.اممم نشوف وقت يكون مسافر فيه انا عارف انه بيسافر كتير عشان اعماله وشركاته اللى برا بس اهم حاجة ان كل حاجة تتم فى السر وميبنش عليكى حاجة

..تمام

.وياريت كمان مابين كل وقت والتانى تقوليله ان عمر جاتله نوبة عشان ميشكش انه غير العلاج

..بس هو فعلا بتجيله حالات تشنج يا دكتور وبيفضل يرتعش كده ومبيهداش غير لما باخده فى حضنى وافضل اقراله قران فى ودانه لحد مابينام

.ابتسم مازن لها

.واضح ان ليكى تاثير ايجابى عليه وده حسته من اول مرة شوفته لما جتلكم الفيلا وده هيساعده كتير فى العلاج وهيخلى استجابته اسرع ..متخافيش ان شاء الله كل الحاجات دى هتختفى بعد العمليه بس

.بس ايه يا دكتور قلقتنى؟

فى اثار جانبية للعمليه منها فقدان ذاكرة وممكن كمان تعمله جلطة فى احد اجزاء جسمة و تسببله شلل نصفى بس ده بنسبة بسيطة متتعداش 10فى المية

.بشرى بخوف

طب ما بلاش منها العملية بدل فيها خطر كده

..تفتكرى لو عمر كان ليه حرية القرار كان هيختار ايه

.هيختار انه يفضل كده طول عمره عقله عقل طفل محبوس فى جسم راجل ناضج ولا يعمل العمليه حتى لو فيها نسبة خطورة

..خلاص يا دكتور انا هستخير ربنا وارد عليك..معلش ده امانة فى رقبتى وهتسأل عليها يوم القيامة

.ابتسم لها بود

..عمر محظوظ بيكى اوى يا مدام بشرى ..ثم اردف بعد ان حمحم بخجل

.ممكن اطلب منك طلب ؟

.اه طبعا انت تامر يا دكتور

عايز رقم تولين صاحبتك ..وياريت متفهمنيش غلط انا واللهى قصدى شريف بس عايز اقعد معها بالاول لوحدينا واعرف دماغها فيها ايه ممكن؟

ابتسمت بشرى لطلبه وتذكرت كلمات تولين ووصفها له

باك

..ايه الواد المز اللى بالالوان ده يا بشرى تعرفيه منين

بشرى .ههههه يابت اتهدى

تاوهت تولين بحالمية يا خرابى على عيونة الزرق دول اللى بلون البحر تبقى عايزة تغرقى فيهم كده ومبتقبيش تانى ؛ ولا شعره البنى اللى بيقلب دهبى فى ضوء الشمس يااختتتى

.تن*دت وهى تشرد بعيدا

هيييح كنت دايما بحلم انى اتجوز واحد شبه حسين فهمى واحد وسيم كده وسمارت يصحينى و يقولى صباح الخير يا بيبى ..مش واحد بكرش يفزعنى من نومى على صوت شخيره

بشرى ..ههههه يخربيتك فصلتينى

ولم ينتبها كلاهما على زوج العيون المتطفلة التى تراقبهم من نافذة البهو المطلة على الحديقة وهو يبتسم بسعادة

عودة

تمتمت بشرى لنفسها بسعادة

ده بين الصنارة غمزت و وقعوا فى بعض هما الاتنين

.. اومات له بشرى ثم قالت محذرة

ماشى بس ياريت متخلنيش اندم انى اديتك الرقم

..ابتسم مازن بحماس

.مش هتندمى

صرخ عمر بهم بملل

..يله نروح بقى يا بشرى انا زهقت وانتى قاعدة مع مازن ومش بتكلمينى

مازن ..كده يا عمر يعنى انت مش عايز تقعد معايا هو انا مش صاحبك وبسبلك الموبايل بتاعى تلعب بيه انت مبقتش تحبنى ولا ايه

اجاب عمر ببرائة ..لا بحبك طبعا انت صاحبى ..بس بحب بشرى اكتر

..قهقه مازن وابتسمت بشرى بسعادة

..مش بقولك ان ليكى تاثير كبير عليه اهو ابتدا ينفضلى عشانك يا ستى عجبك كده

_____________________

جاب غرفة المكتب ايابا وذهابا ينفث دخان سيجاره بغضب وغيظ منها

يجب عليه ان يكون حازم اكثر معها وعليها ان تتعلم طاعته فماذا كان سيحدث لها لو لم يراها الحارس واستطاعوا خ*فها كالمرة السابقة مجرد التفكير بذلك يجعل دقات قلبه تدوى بهلع عليها وعروقه تنفر من الغضب منها .

ظفر بضيق وجاهد نفسه كى لا يضعف ويذهب اليها فقد اشتاق اليها ؛ لم يرها طوال اسبوعين كاملين

وعندما راها تشاجر معها

اشتقت اليكى ياقمرى

يامالكة شغاف قلبى

فحتى وان قسوتى علي قلبى

لايزال قلبى ينبض لكى عشقا

حاول صرف تفكيره عنها ومتابعة اعماله ولكن هيهات فالتركيز بعيد كل البعد عنه

رن جرس هاتفه ليفيقه من شروده

..الو .. ايوة يانبيل عملت ايه خدت مدام كريمة على المستشفى

______

..وقالولك ايه؟

________

لا لسه مقولتلهاش ..ماشى اشوفك بكرة فى المكتب

..ابتسم لنفسه اد*ك ياعم لاقيت حجة تدخلها بيها من غير ما تشك انك عايز تشوفها

..

خرجت من الحمام وهى تلف جسدها بالمنشفة وفتحت خزانة الملابس تنتقى شئ من الثياب الجديدة التى جلبها لها زياد ولكنها تسمرت مكانها عندما دخل عليها الغرفة فجاه جاحظا عينيه مشدوها بهيئتهاوليزيد حرجها وتوترها اكثر سقطت عنها المنشفة

فدارت نفسها خلف ضلفة الخزانة بينما هو قد التفت ثانية وخرج من الغرفة بتوترواغلق الباب خلفه وقف قليلا يستند على باب الغرفة من الخارج وانفاسه تعلو وتهبط بتوتر ثم اغلق عينيه واخرج زفيرا حارا وذهب الى غرفته لياخذ شاور بارد لعله يخفف من وطاه هذا اللهيب الذى يشتعل بداخله

و لكنه لم يستطع سوى ان يتخيل منظرها وهى تقف امامه هكذاعارية

يالله انها تحمل انوثة طاغية

خرج من الحمام وهو يحدث نفسه

انها زوجتك وهذا حقك فلما كل هذا التردد

عاد اليها مجددا وقد عزم على امتلاكها

اندفع بدون ان يطرق الباب كعادته كانت هى قد ادت فريضتها وارتدت ملابس بيتية مريحة استعدادا للنوم

زياد ..فى ايه ؟انت ....

ابتلع باقى كلماتها بقبلة حارة الجمتها ثم توالت قبلاته على وجهها وعنقها حتى خارت قواها واندمجت معه واضعة ذراعيها حول عنقه فما كان منه سوى ان حملها الى الفراش وهنا

سكتت شهرزاد عن الكلام الغير مباح

_________________

.اخرج التقرير الطبى من درج مكتبه ثم تطلع اليه باسى

_بقى دى اخرتك يا صلاح وصلت خلاص لنهاية المشوار

.

تذكر كلام طبيبه الشهير الذى ذهب اليه فى رحلته الاخيرة الى امريكا وهو من افضل جراحين الاورام فى العالم الذى يتم حجز موعد معه قبلها بعدة اشهر

الحوار مترجم

..لقد اجرت العملية بنجاح( سرطان الخصية)

ومع العلاج واستخدام المنشطات تستطيع اقامة علاقة زوجية ناجحة لكن من المستحيل ان تستطيع الانجاب ومن الان لابد ان تتبع حميه و تحتاط جيدا فى اختيار انواع الغذاء الصحى والبعد نهائيا عن التدخين والخمور الخ لان نسبة عودة المرض مرة اخرى واردة بنسبة 90 بالمئة خاصة مع التقدم بالعمر

ثم تذكر اخيه وهو يدخل عليه مكتبه منذ عدة اشهر

بعت ارض ابوك واجدادك يا صلاح انت عارف اللى بيفرط فى ارضه بيقولوا عليه ايه فى البلد

_يقولوا اللى يقولوه ارضى وانا حر فيها

..ارضك ده ايه انت نسيت نفسك ولا ايه امال لو مكنتش ضحكت على ابوك وهو على فراش المرض ومضيته على عقد بيع بكل املاكه ليك من غير ما يحس عشان تكوش على كل حاجة بس اللى كان مصبرنى عليك ان الارض لستها حاملة اسم العيلة لكن تبيعها للغريب لا والف لا

صلاح ..الارض دى من حقى انا هى وكل الاملاك انا اللى كنت بشوف مصالح ابوك وانا اللى كبرت الشغل لما دخلت شريك مع حمايا الله يرحمه ولولاى مكنش ابوك هيبقى عنده الخير ده كله

..يا راجل اتقى الله انت هتكدب الكدبة وتصدقها بس اهو ربنا انتقم منك واداك عيل ع**ط وكل الاملاك دى فى الاخر هترجع ليا انا وولادى واختك الغلبانة اللى رفضت تجوزها من اللى قلبها اختاره واهى قاعدة معنسة جارى لغاية دلوك ورافضة تتجوز

عودة

معقول كل الثروة اللى عملتها دى بكدى وتعبى هتروح لايدين عالم متستهلش .اخويا اللى طول عمره بيكرهنى وبيتمنالى الشر و اختى اللى مقطعانى بقالها سنين وبقيت تقبل العما ولا تقبلنيش

تطلع بساعة يده

ايه ده .الساعة بقيت 10 بالليل معقول كل ده بيتمشوا

رفع هاتفه الى اذنه واتصل بالسائق

..انتوا فين ؟

الهانم بتشترى هدوم لعمر بيه وانا قاعد مستنيها فى العربية انا والحارس

..وسيبنهم لوحدهم يا اغ*ياء امال انا بعتكم معاهم ليه .خيال مأته .ادخلوا اوام شوفوهم فين وابقى كلمنى

اغلق الخط

دخل الحارس ليبحث عنهم ولم يجد لهم اثر

..فاتصل على صلاح مجددا

..انا مش لاقيهم يا افندم قلبت عليهم المول مش لاقيهم..

فى هذه اللحظة كانت بشرى قد خرجت من المشفى هى وعمر ولفت من طريق مختصر خلف المول وركبا بالسيارة من دون ان ير اهم احد

اغ*ياء .دوروا عليهم ومترجعوش من ....

لحظة يا افندم .لاقيتهم كانوا مستنين فى العربية الظاهر خرجوا من غير ما ناخد بالنا منهم

..ظفرت بشرى براحة

..نفدنا

طرقت نرجس على باب مكتبه

..ادخل

..ايوة يا نرجس عايزة حاجة

..بقول حضرتك انا عايز ارجع اداوم فى المستشفى تانى

..ليه يا نرجس حد زعلك هنا

.لا بس عمر خلاص مبقاش محتاجلى مدام بشرى قايمة بكل احتياجته وحتى العلاج هى اللى بتدهوله بنفسها فانا مبقاش ليا لزوم هنا

.تمام يا نرجس تقدرى ترجعى بس هطلب منك طلب اخير تعمليه قبل ما تمشى

.تحت امرك يا صلاح بيه

.اخرج حبه من درج مكتبه

تحطى الحباية دى لعمر فى كوباية اللبن اللى بتدهاله قبل ما ينام

..نرجس بتوجس

..بس دى قوية اوى يا صلا ح بيه

.وعمر قوى

متخافيش سالت دكتور شبراوى الاول معقول يعنى انا هاذى ابنى

.حاضر .بعد اذنك

.صلاح لنفسه بالم.

مفيش حد سلم من شرك يا صلاح حتى ابنك وحيدك اذيته

واللى زرعته طول عمرك ان الاوان انك تحصده وتدفع فاتورة حسابك كله

..____________________

.