الفصل الثالث عشر

2123 Words

بسم الله الرحمن اكلرحيم وبه نستعين الفصل الثالث عشر (بشرى سارة) باحدى قاعات السينما بالقاهرة انا كنت فاكره نفسى مجنونة وطاقة لكن بالنسبة لك انت طلعت طبيعية جدا ؛ بقى فى حد ياربى يجى لسينما الساعة 10 الصبح _يابنتى ده احلى ميعاد واللى بيفهم بس هو اللى بيجى فى الوقت ده .ياسلام طبعا يابنتى انتى شايفة حد غيرنا فى القاعة تولين بتهكم ..ماهو ده دليل على انى مفيش مجانين غيرنا ..اقترب منها وهمس فى اذنها .لا ده عشان استفرد بيكى براحتى خصوصا لو فيلم رومانسي زى ده نظرت له بحدة ..لا بقولك ايه لم نفسك واقعد اتف*ج بادبك احسن واللهى تلاقى كف ايدى بيطرقع على وشك _ياساتر يارب هتجوز برعى بقى انتى بنت انتى فين الرقة فين الانوثة ..ابقى عدى على السوبرماركت وانت مروح خدلك لفتين عقد حاجبه ..لفتين ايه ؟ _رقة وانوثة _هههه خفة ..لف ذراعه على كتفها فرفعت كفها امامه ها عايز تجرب ..مازن باستسلام.لا وعلى ايه هتزفت بادبى وهربع ايدى كمان كويس كده نظرت له بطرف عينها وابتسمت .كويس ..ابتسم هو الاخر .مجنونة بس بموت فيكى _____________________ تمطعت بسعادة لذكرى ليلة امس ومازالت مغمضة العينين وضعت ذراعها عليه لتعانقه فسقط ذراعها فى الفراغ فبهتت ملامحها ونظرت حولها بقلق وللحظة خشيت ان يكون قد تركها و ندم كالليلة السابقة بينهم ولكن صوت خرير الماء فى الحمام جعلها تهدا وتبتسم نظرت الى الساعة بجانبها وجدتها الواحدة ظهرا ياخبر ده انا نمت كتير اوى .التقطت مازرها من على الارض وارتدته ثم نهضت لتستحم بالحمام الاخر وتصلى فرضها وتهبط لتعد له فطورا شهيا ولن تسمح له بشرب القهوة على الريق كعادته ___________________ وقفت بشرى بجانبه تحلق له شعر راسه بنفسها قبل دخوله غرفة العمليات فهو لا يريد احد اخر يقترب منه سواها ..خلعت سلسلتها الفضية التى على شكل مصحف صغير ومعه نصف قلب الذكرى الوحيدة الباقية لها من والدتهاوالتى تحمل ش*يقتها نسخة منها و اخر كلمات والدتها لها فى ذلك اليوم وهى تودعها والتى لم تفارق مخيلتها ابدا تتردد فى عقلها اوعى تقلعى السلسلة دى من رقبتك ابدا يا بشرى وربنا ان شاء الله هيفضل حافظك ديما وكمان حتحسى انك انتى واختك ع طول مع بعض حتى لو كنتوا بعيد البستها لعمر ورددت كلمات والدتها ..خليها معاك عشان ربنا يحفظك ويرجعك ليا بخير وسلامة وكمان عشان تحس انى ع طول معاك حتى لو مش كنت جنبك اوعى تقلعها من رقبتك ابدا ياعمر ماشى ..اوما لها عمر براسه ماشى ..ثم مسح لها حبات اللؤلؤ المتساقطة من عينيها .عمر ببراءة بتعيطى ليه انا عملت حاجة زعلتك ..حركت راسها يمينا ويسارا ..انا عمرى ما بزعل منك ياعمر انت الحاجة الحلوة البريئة اللى دخلت حياتى ونورتها بعد الضلمة اللى كنت عايشة فيها تفاجات به يعانقها و يقبلها بقوة فبهتت ملامحها لحظة خاصة انه لم يحاول الاقتراب منها مجددا بعد تلك الليلة بينهم ثم استكانت بين ذراعيه و بادلته عناقه وقد شعرت بالسكينة والراحة بين ذراعيه وكانها كانت بحاجة لذلك العناق اكثر منه طرق مازن على باب الغرفة فانتفضت بعيدا عنه وهندمت نفسها وشعرها بسرعة دخل مازن ومعه اثنان من الممرضين ليحملوا عمر على السرير النقال .جاهز يا بطل .عمر وهو يتشبث ببشرى .لا انا خايف .. ربتت بشرى على يده مطمئنة .احنا قولنا ايه عمر شاطر وقوى ومبيخافش من اى حاجة ..مازن ...حبيبى ياعمر احنا مش اتفقنا تسمع كلام مازن صاحبك وحبيبك ؛ و قلنا امبارح ان احنا هنلعب مع بعض لعبة صغيرة كده ولما تفوق منها هتبقى كويس وتخف ومعنتش هتاخد حقن ..طب خلى بشرى تيجى معايا ماشى ياعم هتدخل معاك ..بشرى..هو ينفع ادخل معاه هو مينفعش بس عشان خاطر عمر باشا ممكن نعمل استثناء .دخلت معه بشرى غرفة العمليات بعد ان تم تعقيمها جيدا وارتدت الملابس الخاصة بغرفة العمليات امسكت يده وظلت تتحدث معه الى ان اعطاه طبيب التخدير حقنة الم**ر وبدا يذهب فى عالم اخر ...تقدرى حضرتك تتفضلى برا لغاية مانخلص .حاولت فك يدها منه لتخرج لكنه كان متشبث بها بقوة فذرفت الدموع وهى تخفض راسها وتقبل يده المتشبثة بها وتتحدث اليه مطمئنة بالرغم انه لا يسمعها متخافش ياعمر اناجنبك مش هسيبك ساعدها الطبيب لتفك يدها منه وخرجت تنتظر انتهاء العمليه بالخارج بقلب ينبض بقوة من القلق والخوف ___________________________ كانت تقف بالمطبخ تعد طعام الفطور و تندن لحن اغنية فيروز انا لحبيبى وحبيبى الى ياعصفورة بيضا لابقى تسالى لايعتب حدا ولا يزعل حدا حبيبى ندهنى قالى الشتا راحل رجعت اليمامة زهرت تفاح ام سعيد..ده شغل الغزالة رايقة النهاردة اوى ابتسمت لها سارة ربنا يسعدك ياحبيبتى طب مش عايزانى اساعدك فى حاجة .ممكن تعمللنا عصير مانجة جنب الفطار اصلى جعانة اوى حسه انى ممكن اكل خروف _ههههه من عينيا ياقمر دق جرس الباب سارة _خليكى انتى انا هروح اشوف مين ذهبت لتفتح بعد ان لفت الطرحة على شعرها للتفاجا بامراءة كبيرة فى العمر امامها نظرت لها عايدة باشمئزاز ثم دفعتها ودخلت الى الداخل ومن ثم بدات فى الهجوم عليها _انتى بقى اللى..............اللى اهلها معرفوش يربوها وعايشة مع واحد فى الحرام ومخلياه ينسي اهله وناسه وقفت سارة تحدق بها والصدمة قد الجمت ل**نها جذبتها عايدةمن ملابسها وهى تدفعها للخارج _اسمعى يا بت انتى؛ انتى تاخدى بعضك دلوقتى وترجعى على المزبلة اللى جيتى منها والا قسما بالله ..لو سمحتى من غير تهديد واعرفى الاول انا مين. عايدة بتهكم ..تطلعى مين يعنى ؟ _انا ابقى فى نزول زياد من الاعلى فذهب اليها وعانقها ..امى حبيبتى ايه المفاجاة الحلوة دى مش بعادة يعنى تيجى تزورينى فى شقتى ..عايدة ببرود ولازال نظرها معلق بسارة التى اخفضت راسها خجلا من نظرات المراءة وبنبرة ذات مغزى بقالك فترة مبتجيش قولت اجيلك انا اشوفك مختفى ليه ومين شغلك عنى قبل زياد يدها .معقول يا ست الكل انا انشغل عنك بردو عايدة بحدة ..مين دى يا زياد ..وبتعمل ايه فى شقتك هى دى تربيتى ليك ..ماما متفهميش غلط .دى دى سكت ولم ينطق حتى عندما نظرت اليه ساره تحسه على التكلم بدموعها التى تجمعت فى عينيها مهددة بالهبوط خرجت ام سعيد فى هذه اللحظة والتى كانت ت اقب من بعيد .دى بنت اختى يا هانم جت تساعدنى شوية فى خدمة البيه عشان كنت تعبانة ..تن*دت عايدة براحة ولكنها راودها الشك مرة اخرى عندما رات نظرات زياد لسارة وكانه يعتذر منها ونظراتها هى المليئه باللوم والعتاب وقررت ان تقطع الشك باليقين اضجعت عايدة على الاريكة وهى تشكو وجع قدمها وتتصنع الالم اه يانى ياركبى وجع المفاصل هد حيلى ما تيجى يابنتى بايد*كى الحلوين دول تدلكيلى رجلى اقتربت منها سارة وجلست عند قدميها وقامت بعمل مساج لها ونظراتها معلقة بزياد الذى ابتسم لها بمكر وكانه يقول لها هذه امى التى كنتى ترفضين العيش معها بالماضى و الاعتناء بها لقد اصبحتى الان تحت قدميها عايدة. ..خلاص كفايه كده روحى بقى اعمليلى فنجان قهوة مظبوط ..سارة وهى تمسح دمعة من عينيها ابت الا ان تسقط .حاضر ثوانى وهتكون عند حضرتك كور قبضته بغضب .يريد ان يبطش بكل شئ امامه خاصة عندما لمح دموعها وهى تسيل على خديها ..ظفر زياد بضيق مكنتى خليتى ام سعيد عملتهالك يا ماما ..وليه يعنى ان شاء الله مش ده شغلها جلبت سارة القهوة وتعمدت عايدة ان تقول عندما راتها وهى تقترب ..كلم خطيبتك يا زياد واعزمها على الغدا زعلانة منك وبعدين ابقوا روحوا شوفوا الحاجة اللى نقصاكم فرحكم خلاص مبقاش فاضل عليه غير كام يوم سقطت القهوة الساخنة من يد سارة و**ر الفنجان .... ثم ركضت الى غرفتها باكية واغلقت عليها باب الغرفة وتكورت خلفه انتفضت عايدة..ورددت بحدة و غضب .من غير لف ودوران يا زياد البنت دى تبقالك ايه ؟ زياد بغضب _مراتى يا ماما استريحتى عايدة بذهول..مراتك ؟ انت يازياد تعمل كده ومتجوزها عرفى طبعا .انا بتاع عرفى بردو يا امى .طبعا شرعى على ايد ماذون عايدة ببكاء ونحيب ..كده يازياد دى اخرة تربيتى ليك بتتجوز من ورايا ده انت اول فرحتى واغلى ولادى على قلبى امى انتى عارفة انا بحترمك قد ايه و مبحبش ازعلك بس كمان مش من حق حد يحكم عليا ولا يملى عليا تصرفاتى _اخر حاجة هسالهالك يا زياد هى دى نفس البنت اللى كنت تعر فها زمان؟ اوما براسه قبل ان يجيب _ايوة هى عايدة بغضب ..بقى تعمل كده فى بنت خالك اللى طول عمرها واقفة جنبك وسنداك عشان خاطر البنت اللى ذلتك و**رتك ومرمطت بكرامتك الارض . ازاى تعمل فيها كده ازاااى؟ ..نسيت لما كنت بتحبس نفسك فى اوضتك رافض تكلم حد ولا بتاكل ولا بتشرب نسيت كل ده ورجعتها لحياتك تانى ..امى لو سمحتى ده مش وقته ولا مكانه اوعدك انى هحكيلك كل حاجة وهبقى ابلغك قرارى النهائي بخصوص علاقتى بمنى عايدة بعصبية...البنت دى تطلقها وتطردها حالا والا ..من غير تهديد يا امى ..لو سمحتى دى حياتى الخاصة وانا حر فيها ومش هسمح لحد مهما ان كان يدخل فيها دى مراتى وهتفضل مراتى وانا معملتش حاجة غلط عشان اخجل او ات**ف منها اخذت حقيبتها ورددت بغضب ..انا ماشية هتيجى توصلنى ولا هتقعد جنب الست الهانم تراضيها زفر بضيق وهو يشير لها بيده ..لا طبعا _اتفضلى ياامى وقبل ان يذهب تطلع بنظره حزينه على الدرج الذى صعدت عليه سارة منذ قليل . .._____________ وففت امام غرفة العمليات تنتظر بفارغ صبر وكل حين تنظر الى الساعة المعلقة على الحائط ..معقول كل ده وقت ده بقاله 4 ساعات جوا . تولين العملية صعبة يا بشرى والدكتور قالنا ان ممكن تفضل اكتر من 6 ساعات ربتت على كتفها ..اقريله قران وادعيله احسن من وفقتك دى . . ..معاكى حق ..يارب نجيه يارب ربتت على يدها ربنا يخليكى ليا يا تولين بجد انتى ربنا عوضنى بيكى انتى ومازن وعمر عن اهلى. انتى اختى اللى مخلفهاش امى وابويا ..خلاص بقى يابت انتى هتخلينى اعيط ولا ايه انتى عارفة انى ماليش فى جو الصعبنيات ده بيقلبلى معدتى ..ابتسمت بشرى رغما عنها ?..طب انا هبقى قدامك فى الاوضة دى لو حصل حاجة ولا عمر طلع نادى عليا _حاضر ..انزوت بشرى فى غرفة جانبية وجلست تقرا بعض ايات الذكر الحكيم وحين انتهت اغلقت المصحف واخذت تردد ببكاء ..يارب احميه واحفظه من كل شر وقومه من العملية بخير وسلامة ..انا ماليش غيره فى الدنيا هو جوزى وابنى وحبيبى وكل حاجه ليا ..مقدرش اتخيل حياتى ولا لحظة واحدة من غيره صرخت تولين ...الدكتور طلع يا بشرى ..ركضت بشرى ..طمنى يا دكتور؟ ..الحمدلله العملية نجحت وشوية كده ويفوق من البنج ونتطمن عليه ..الحمد لله الف حمد وشكر ليك يارب نقدر نشوفه؟ _ حاليا لا لانه هيتنقل العناية ودى ليها مواعيد محددة تولين.. اصبرى شوية يا بشرى واحمدى ربنا ان العملية عدت على خير الحمد لله مازن ..متخافيش هخليكى تشوفيه من برا الازاز عشان تطمنى عليه اتسعت عينيها بصدمة عندما لمحت زوجة ابيها وهى ترقد داخل اروقة المشفى ركضت عليها بهلع .فى ايه ياطنط بتعملى ايه هنا؟ ..عبلة بانهيار ..اخوكى كان هيضيع منى يا بشرى الناس لاقوه مرمى على شريط القطر مافور فى الم**رات وكان هيروح فيها لولا ستر ربنا ..شهقت بشرى بفزع .هو تميم بيشرب م**رات .؟.من امتى الكلام ده ؟وبابا كان عارف؟ ..اومات لها عبلة بحزن ماهو ده اللى قهره وخلاه راح فيها ياولداه وانا شكلى هحصله .وهو فين ؟ دخلوا جميعا غرفة تميم الملقى بلا حول ولا قوة والاسلاك تخرج من كل مكان بجسده ..اجهشت بشرى بالبكاء وحاولت تولين تهدئتها ..خلاص اهدى يا حبيبتى اللى حصل حصل جوزك محتاجلك ولازم تبقى اقوى من كده .عبلة ..هو جوزك ماله يا بشرى ..لسه طالع من عمليه هستاذنك اروح اشوفه وابقى ارجع تانى اطمن على تميم .ربنا يشفيهولك يا بنتى .بشرى باستغراب بنتك ؟ تطلعت بها عبلة بحزن ..ايوة بنتى انا عارفة انى كنت وحشة معاكى وكمان بتردد اكملت انا السبب فى جوازتك دى مع انى كنت عارفةانى جوزك مش طبيعى بس اهو ربنا انتقملك منى وولادى الاتنين حالهم لا يسر عدو ولا حبيب اجهشت بالبكاء وكمان اترميت كمان برا شقتى انا حاسه ان كل اللى بيحصل ده ذنبك يا بشرى من قسوتى عليكى والمر اللى سقتهولك ..متقوليش كده يا طنط انتى مهما ان كان كنتى مرات بابا الله يرحمه وانتى اللى ربتينى حتى لو كنتى قسيتى عليا بس انتى على الاقل احسن من اللى خلفت ورمت وجوازى من عمر ده كان احسن حاجة حصلتلى فى حياتى المفروض اشكرك عليها حتى لو من غير قصد منك بس ازاى اترميتى بره شقتك انا مش فاهمة اخوكى باع الشقة اللى لمانا يا بشرى عشان خاطر المدعوق اللى بيخده جوز منة مضاه على عقد بيع الشقة من غير مايحس بشرى بحزن ..طب وانتى قاعدة فين دلوقتى .قعدنا فى الشقة تانى بعد ما بوسنا ايديه ورجليه بس بياخد منا ايجار يقطم الوسط ..تطلعت بمازن .اخويا يا مازن .متقلقيش عليه يا بشرى انا هاخد بالى منه بنفسي ولو اضطريت اكتفه وحطله حرس على باب اوضته هعملها لغاية ما يخف ويرجع احسن من الاول كمان ..شكرته بشرى وتطلعت عليه تولين بامتنان و بصوت خفيض .تعرف انك احسن حاجة حصلتلى فى حياتى ربنا يخليك ليا قفز مازن فرحا..الله اكبر الصخر نطق ..بس يا مجنون هتفضحنا اردف بجانب اذنها بصوت لا يسمعه احد الا هى طب ينفع الكلام الحلو ده يتقال حاف كده ثم غمزبعينه? .ما تيحى أبت استفرد بيكى جوا شوية ؟ ابتسمت تولين بخجل..هههه اتلم يا دكتور انت ما بتصدق ولا ايه ..بشرى لعبلة ..متقلقيش عليه مازن دكتور شاطر اوى وانا لايمكن اتخلى عن اخويا ومش هسيبه غير لما يخف عبلة..ربنا يخليكى ليا يا حبيبتى كنت عارفة انك بنت اصول عايزة بس ااقول حاجة للناس اللى بتخرب بيتها وتشتت عيالها عشان خلفة الولد ؛الولد اللى انت ممكن تدمر بيتك عشان تجيبه ده هو بردو اللى ممكن يبقى سبب هلاكك ودمارك وربنا عمل كده لانه بيحبك وعايز يشيل عنك بلاوى كتير انت مش قدها والبنت اللى انت مستقل بيها دى هى اللى تشيلك فى عجزك وشيبتك وتكون خير سند ليك احمدوا الله دائما وابدا ________________________

Free reading for new users

Scan code to download app

App Store Google Play

Facebookexpand_more