بشرى سارة

الفصل الثالث (بشرى سارة)

بسم الله الرحمن الرحيم

وبه نستعين

الفصل الثالث (بشرىسارة)

غرفة العناية المركزة

حودة ببكاء _حمدالله على سلامتك يا با

فهمى بصوت ضعيف ..متعيطش ياحودة انت راجل و مفيش راجل بيعيط

_خفت عليك اوى يابا اول مرة اشوفك نايم قدامى كده لا حول ولا قوة بس وحياة شنبى ده ولا يكون على حرمة لاجيبلك البت بنت .......اللى عملت فيك كده وهخليها تلعن اليوم اللى جات فيه على الدنيا والله لهخليها تشتهى الموت ومطولوش

.. فهمى بحدة خفيفة و التى يسمح به وضعه

اياك تقرب منها ولا تأذيها ..انا عارف هجيبها ازاى تحت رجليا تانى

..حوده بحنق_تانى يا با ؛هتحنلها تانى بعد كل اللى عملته فيك ..بس يكون فى علمك البت دى اخرتك هتبقى على ايديها لو مفوقتش لنفسك قبل ما تخسر الكل علشانها

حاول فهمى النهوض فالمه جرحه ووضع يده عليه بتاوه ...ااه .انت بتزعقلى يا ولا ولا اية اهو ده اللى ناقص مبقاش الا العيال كمان تقولى اعمل ايه ومعملش ايه .اوعى تكون فكرنى عشان رقدت شوية وتعبت خلاص انت بقيت الكل فى الكل لا فوق لنفسك

زفر حوده بضيق وقال بنفاذ صبر وهو ير يحه بفراشه مجددا

خلاص اهدى ومتتعبش نفسك .براحتك يا با اللى عايز تعمله اعمله انا هنفض ايدى من الموضوع ده خالص

..احسن بردو

..حودة لنفسه بس لو فكرت تتجوزها يبقى انت باقى اللى جنيت على نفسك ماهو انا مش هسمحلك تتجوز على امى وتجيبلنا عيل يورث معانا الجمل بما حمل وياخد شقانا اللى تعبنا فيه

.دخل الطبيب ومعه ضابط شرطة

..الضابط ...الدكتور بيقول ان حالتك اتحسنت يا فهمى و دلوقتى تقدر تدلى باقوالك

..اومأ له فهمى براسه..انا تحت امرك يا باشا

..

_________________

.

صال وجال فى قاعة المحكمة فى مرافعة من اجمل ما يكون استطاع بها ان يقنع القاضى ببرائة موكله مستغلا ثغرات القانون التى تعود على اللعب بها واستغلالها على اكمل وجه حتى اشتهر صيته واصبح اسمه يتردد من ضمن فطاحل المحامين العتاة

اكرم...الف مب**ك يا زياد بصراحة ابدعت كعادتك وقدرت تقنع القاضى بالبرائة رغم انك مقدرتش تقنعنى .

زياد_ بالامبالاة .مش مهم انت تقتنع المهم انى قدرت اطلع المتهم برائة و**بت منك الرهان ياحلو والغدا النهاردة هيبقى على حسابك ولا رجعت فى كلامك

.ظفر اكرم بيأس

..زياد انت عارف كويس ان الراجل ده مش برئ ومظلوم زى ماانت حاولت تصوره للمحكمة بالع** ده مجرم عتيد فى تجارة م**رات وراح ضحيته الكتير من شبابنا ولسه ياما هيبقاله ضحايا طالما بيلاقى اللى بيدافع عنه ويطلعه من كل بلاويه مستغل ثغرات القانون

..ظفر زياد بضيق

..يا عم اكرم واحنا مالنا .ربنا موجود وهو اللى هيحاسبه احنا مجرد بنعمل شغلنا صح وخلاص

..انت مقتنع بكلامك ده يا زياد

..اه طبعا مقتنع والا مكنتش عرفت اطلعه منها

اكرم_اتغيرت اوى يا زياد

_شرد بعينه بعيد كان لازم اتغير عشان اعرف اعيش وسط الناس

.الناس بقيت وحوش يا اكرم بتاكل فى بعض ولازم تتغدى بيهم قبل ما يتعشوا هما بيك

..ايه يابنى قانون الغابة اللى انت ماشى بيه ده احنا بشر يا زياد مش ح*****ت

..صدقنى سا عات الح*****ت بتبقى افضل من بنى ادمين كتير

رن جرس هاتفه

زياد _.ست الحبايب وحشتينى

عايدة .......

_طبعا **بتها

..............

.اهه _واقف جنبى اهو بيعيط عشان خسر الرهان

_اخذت منها ابنتها نيرة الهاتف

نيرة...........

زياد_الله يسلمك ياختى . نيرة بتسلم عليك

اكرم....الله يسلمك يا قلبى

نيرة--------

يابت اتقلى شوية ع طول كده مدلوقة عليه

اقترب اكرم من الهاتف قليلا

..وحشتنى اوى يا روحى

زياد _كاك وحش يخدك منك ليها عيب عليكم احترمونى شوية شكلى بقى وحش اوى وسطيكم

_وفيها ايه لما اقولها وحشتينى مش خطيبتى وكلها كام شهر وتبقى مراتى

..لما تبقى مراتك يا اخويا ولغاية ده ما يحصل تلم نفسك وتعرف ان اللى واقف ده اخوها وراجل مش قفص جوافه وسطيكم

.ايوة يا امى .....طبعا هجيبه معايا هو له متوى غير عندنا ده لاجئ

اغلق معها زياد الخط والتفت الى اكرم

..ابسط يا سيدى نفدت من عزومة الغدا .ماما عزماك على الغدا وعملالك كل الاكل اللى بتحبه وجايبه كمان جاتوه عشان تحتفل بنجاحى فى القضية

..يا سلا م يعنى هى كانت عارفة انك هت**بها

.طبعا يا بنى انت عندك شك فى قدراتى

اكرم بتبرم ..مغرور اوى

دى ثقة ياحبيبى مش غرور ويلا انجز بقى وبطل رغى مش عايزين نتاخر

اكرم.وهو يفرك يده ببعضها ..هى حماتى قلتلك طابخة ايه؟

هههه والله .انا عارف انك خطبت اختى مخصوص عشان اكل امى

.انت هتقول فيها ده كله الا اكل حماتى لا يعلى عليه بس ده ميمنعش انى بحب نيره وبموت فيها اكتر

زياد .حبك برص مالك يا واد بقيت سهتان كده

_.بس ياحقود .اللى متغاظ مننا يعمل زينا

..طب انجر ياخويا قدامى

خرجا من قاعة المحكمة ليركض عليه سائقه فور رؤيته ويحمل

عنه الحقيبة ثم يفتح له باب السيارة

ليسخر اكرم قائلا_ اوعدنا يارب

_بطل قر ياااد .

..استقلا السيارة معا ولاحظ اكرم شرود زياد فهو يحدثه بينما هو لا يجيبه وينظر الى الا شئ يتذكر ضحكها مع د.نادر ويجز على اسنانه بغضب

_مالك يا زيادسرحان فى ايه ؟المفروض تبقى ارتحت دلوقتى بعد ما **بت القضية اللى بقالك شهور شغال عليها

.تن*د زياد واخرج زفيرا حارا من رئتيه

اكرم ..ياااا للدرجادى الموضوع كبير

زياد بتردد_انا فابلت سارة

اكرم بذهول .سارة؟ ..سارة بتاعة زمان ؟

_ايوة يا اكرم هو انا اعرف كام واحدة اسمها سارة

ودى شوفتها فين ؟ وازاى؟

روى له زياد ما حدث

..طب وناوى تعمل معاها ايه ؟

هعمل ايه يعنى ؟ سارة كانت حكاية قديمة وخلصت خلاص انا بس ساعدتها من باب الانسانية والرجولة مش اكتر واى واحدة مكانها كنت هعمل كده معاها على فكرة

اكرم بتهكم....زياد انت بتضحك عليا ولا على نفسك انت لغاية دلوقتى مش قادر تتخطى اللى حصل منها والتغيير الكبير اللى حصلك ولهفتك على انك تنجح وانك تبقى كل يوم اغنى واغنى عشان تثبتلها انها خسرت كتير لما ضيعتك من ايدها وفكرت فى يوم انها تخسرك

.حتى لو على حساب مبادئك وقيمك اللى كنت دايما بتحكى وتتحاكى بيها

_صدقنى يا اكرم انا دلوقتى ببصلها بنظرة تانية خالص ولا يمكن هقع فى فخها من تانى

.نظر له بنصف عين متشككا فى كلامه

..اتمنى .وبصوت خفيض .ربنا يستر

. __________________

.. مستشفى الامراض العصبية وال*قلية

صلاح...ازيه دلوقتى يا دكتور شبراوى

_طول ماهو بياخد الدوا بانتظام ومعاه جلسات الكهربا بيبقى هادى وتقريبا مبتسمعلوش حس

فياريت تاخد بالك من الموضوع ده طالما عايز تخرجه من المستشفى والا نوبات الصرع والعنف هترجعله وهتبقى اقوى من الاول كمان وانا هبعت معاك ممرضة حاليا عشان تساعدك وتتابع حالته

دق عى ذر موجود على مكتبه

فاتت له الممرضة نرجس

اعملى حسابك انك هتروحى دلوقتى مع صلاح بيه على فيلته وتتابعى معاه حالة 14 اللى كنتى متابعاها هنا واذا لاقيتى انه هيبتدى ترجعله النوبات تانى تبقى ترجعى تديله للحقن الم**رة و تكتفوه لانه هيبقى خطر عليكم وعلى نفسه..روحى يله جهزى عمر وحضريله حاجته

حاضر يا دكتور

صلاح...

...متقلقش يا شبراوى انا بس هخرجه لفترة معينة ولو حسيت انى مش قادر عليه هبقى ارجعه المستشفى تانى بس عايزه اسالك على حاجة

..يعنى لو حبيت اجوزه اطفاله هيبقوا سلام ولا هياخدوا منه المرض

..تجوز مين يا صلاح ؟ومين اصلا اللى هترضى تتجوز واحد زى كده؟

..عمر ايوة جسمه جسم شاب كبير وناضج وضع يده على رقبته وهو يستطرد وصحته تهد جبال ما شاء الله بس عقله عقل طفل صغير .بس ع العموم متخافش هو معندوش مرض وراثى عشان يتنقل لولاده ده كل ده من اللى ال.حادثة اللى حصلتله وهو صغير ....

... صلاح بتردد ..تفتكر انه نسي كل حاجة

...اكيد دلوقتى مخه اتمسح نهائى ومبقاش فاكر اى حاجة .بس

.بس ايه؟

كان فى دكتور كده بيحوم حواليه بس متقلقش انا خلاص وقفته عند حده

______________________

بيت ابراهيم وعبلة

ابراهيم_وده عرفتيه منين العريس ده

..يبقى قريب جارتنا ام حسن وبتقول عليهم ناس محترمين اوى و علوى اوى ومش هيكلفونا اى حاجة

.وهياخدوها بشنطة هدومها

.بس غريبة يعنى انك بتقولى نجوزه لبشرى وكنتى لسه من يومين قالبة الدنيا وتقوليلى منجوزش الصغيرة قبل الكبيرة

._يا اخويا هو لسه حد بيفكر فى الكلام ده اللى يجيلها نصيبها تتجوز وبعدين العريس ده صغير على منه

.نفسنا نفرح يا ابراهيم واهو لما واحدة تخرج من البيت تجر التانية فى ديلها

تن*د ابراهيم براحة

.ربنا يقدم اللى فيه الخير .هما ناوين يجو يتقدموا امتى

عبلة بتوتر ..هو ابوه بس اللى هيجى يتقدم دلوقتى لان الولد مسافر بلاد بره وهيجى على الفرح ع طول

..طب والبت رايها ايه؟

_طايرة من الفرح من ساعة ما وريتها صورة العريس

..خلاص يبقى على خيرة الله نقا**ه ونشوف

انا يهمنى ايه غير مصلحتهم وكل واحدة فيهم تتستر فى بيتها

دخل عليهم تميم وهو بالكاد يصلب طوله

..ابراهيم _مالك ياواد مش على بعضك ووشك اصفر كده

اجابه وهو يضع يده على انفه

..الظاهر انى اخدت دور برد بس جامد حبتين

عبلة_يا ضنايا يابنى خش ادفى جوا فى اوضتك وانا هروح اعملك حاجة سخنة تشربها واجيبلك مضاد حيوى تاخده وتنام وهتصحى ان شاء الله زى الفل

..ابراهيم_ما انت لو بتقعد فى البيت زى مخاليق ربنا الا كل ما اسأل عليك الاقيك برة البيت والجو اليومين دول تلج وكل شوية بحال

..دخل تميم غرفته وهى يتشاهد انه استطاع النفاد منهم ولم يكشفه احد

بشرى بغرفتها هى الاخرى تضم صورة العريس الى ص*رها وتدور بها من ثم وضعتها امامها واخذت تتحدث اليها وكانها تتخيله امامها

..تعرف انك حلو اوى _انا ما ليش اصحاب ماليش غير صاحبة واحدة بس من ايام المدرسة اسمها تولين وانت من دلوقت هتبقى صاحبى وحبيبى والبطل بتاعى اللى هينقذنى من امنا الغولة

__________________

بيت اهل زياد

وضعت عايدة الطعام على السفرة واكرم يتامله باعجاب فقد صدقت حماته وصنعت له جميع الاطعمة المفضلة لدية وهى عبارة عن محاشى مشكلة ولحوم ودواجن مشوية وصينية الرقاق باللحمة التى يعشقها اخذ يدها وقبلها

_ربنا يخليكى لينا يا ست الكل تسلم ايد*كى انا لسه مدوقتش بس الاكل باين من شكله وريحته اللى تجنن دى

الكلام الحلو ده تقوله لخطيبتك عشان هى اللى عاملة الاكل النهاردة

صحيح يا نيرة؟

اومات له براسها

_تسلم ايد*كى يا حبيبتى .لا ده كده الواحد اطمن على نفسه بعد الجواز

زياد بتهكم .طبعا مانت همك على بطنك واهم حاجة عندك الاكل

_مش كده بالظبط بس تقدر تقول الاكل ده من اهم تلت اهتمامات فى حياتى

..نيرة _يعنى لو مكنتش بعرف اطبخ كنت هتسيبنى ؟

.لا طبعا اسيبك ايه بس يا روحى انا اقدر

زياد ..طلعت روحك متظبط يااد كده وبلاش نحنحة

اردف اكرم.. كنت هصبر عليكى لغاية اما تتعلمى او نقضيها بقى يا عند امك يا عند امى لان طبيخى انا اكيد هيجبلنا تلبك معوى

.الجميع ????

.تن*دت عايدة باشتياق..ياريت كان فارس معانا فى اللمة الحلوة دى .وحشنى اوى

..نيرة ..هانت يا ست الكل كلها سنة ويرجعلك الدكتور فارس على سن ورمح وتبقى ماشية تتفشخرى بيه وسط صحابك

..خبطتها عايدة على راسها برفق

.انا كل عيالى بفتخر بيهم يا لمضة

نهض اكرم بدون ان ينتظر احد وجلس على السفرة يله اتفضلوا مستنين ايه البيت بيتكم _

زياد بتهكم._العجيبة يا اخى انك بتاكل زى الوحش ما شاء الله ومبيبنش عليك

.. الله اكبر فى عينيك .دى العين فلقت الحجر

عايدة وهى تنظر الى ساعة يدها

..ممكن بس تستنوا 10 دقايق كمان

..نيرة_ليه يا ماما هو فى حد جاى كمان

دق جرس الباب

اهى جات اهى _روحى افتحى الباب يا نيرة

..زياد ..جات ؟هى مين دى اللى جات

منى _..ده انا يا حبيبى

.. ______________

عيادةد.نادر

سارة بغرفتها تجلس بملل وتطلع كل حين على باب الغرفة ؛ دخلت الممرضة لتغير لها الضماد

سارة..هو الاستاذ زياد مجاش؟

لأ يا افندم بس هو اتصل واطمن على حضرتك وقال انه مشغول شوية

سارة بضيق _ طيب

سارة لنفسها وانتى بتسالى عليه ليه انتى مش شايفة بيعاملك ازاى .ده مش زياد ابدا بتاع زمان عينيه اختفى منها الشغف والحنية اللى كانت مبتظهرش غير ليكى انتى وبس وبقت كلها حقد وقسوة ده حتى مقلكيش حمدالله على سلامتك

.قلبها .لا بس هو جابك هنا والدكتور بيقول انه كان قلقان عليا اوى وفضل جنبك طول الليل

..شفقة مجرد شفقة وانتى عارفة انه انسان مسؤول واى واحده مكانك كان هيعمل معاها كده

وبعدين انتى متعرفيش عنه اى حاجة بقالك اكتر من 5 سنين ما يمكن يكون اتجوز ومعاه عيال كمان

شعرت بغصة فى قلبها لمجرد التفكير فى ذلك

افاقت من شرودها على صوت الممرضة

_ظبطى الحجاب كويس عليكى عشان الدكتور عايز يدخل يطمن عليكى

..اعدلت حجابها واعتدلت فى جلستها ثم سمحت له بالدخول

_خليه يدخل

..صباح الورد على الورد

اخفضت بصرهاو ابتسمت بخجل

_صباح النور

.اوعى تكونى بتضايقى من هزارى معاكى انا بحب كده ادلع المرضى بتوعى عشان اخفف عنهم وازيل الرهبة ما بينا

..

ردت الممرضة مؤكده على كلامه

الدكتور بتاعنا المرضى كلهم بيحبوه وبيعتبروه واحد منهم خاصة الاطفال بيعشقوه عشق

..ابتسمت سارة بامتنان ووافقت على كلامها

.ومادام كده بقى اسمحيلى ابقى اخ اكبر ليكى ولو احتجتي اى حاجة فى يوم متتردديش لحظة انك تطلبيها منى

..

ابتسمت بود وقد راقها كثيرا ان تقابل شخص مثله بشوش ولطيف ليخفف عنها وطأة التوتر الذى تشعر بها

_متشكرة اوى يا دكتور.ده شرف كبير ليا

______________

جلست منى على ذراع الكرسي الذى يجلس عليه زياد بالشرفة وهو يعبث بهاتفه ولا يلتفت اليها

منى بغضب _ ايه يا زياد مشغول عنى فى ايه بقالى نص ساعة بكلمك وانتى ماسك موبايلك بتقلب فيه ومش مدينى اى اهتمام

_معلش يامنى اصل بتابع كام حاجة كده تخص الشغل

_شغل شغل كل حاجة عندك شغل

التفت لها وقبل راسها

طب يا ستى .انا معاكى اهو قوليلى بقى كنتى بتقولى ايه

_بقولك على حفلة النادى اللى صحابى عايزين يعملوهالنا عشان يحتفلوا بخطوبتنا ..اصلهم زعلوا اوى لما عرفوا اننا عملنها على الضيق والحوا عليا وانا مقدرتش ا**فهم

..منى انا قلتلك ميت مرة انى ماليش فى جو الحفلات والسهرات ده كل يوم والتانى ولا فاضيله اصلا

منى بغضب ..خلاص براحتك يا زياد .ما انا لو فى بالك وبتحبنى ربع الحب اللى بحبهولك كنت عملت اى حاجة وجيت على نفسك عشان تسعدنى

_ظفر بضيق.

هى الحفلة دى امتى ؟

بكرة بالليل .

خلاص يا ستى اعتبرينى جيت بس دى تكون اخر حفلة يا منى انا مش فاضى للعب العيال ده

قبلته منى من خده

_ماشى وعد دى هتبقى اخر مرة

_منى بنت خاله وهى بنت متوسطة القامة ذات بشرة حنطية وعيون سوداء كحيلة وبشكل عام فهى جذابة و تعشقه من صغرها وهو يعلم ذلك وقد ساندته كثيرا وقت ازمته مع سارة عندما انغلق على نفسه وكاد ان يصاب بالاكتئاب ولكن بعفويتها ومحبتها اخرجته من محنته ولكن قلبه الا**ق لا يراها فهو لا ينتفض لها ولا يتلهف لرؤياها واحيانا يظن انه ياخذها كامر مسلم به فى حياته ربما لو كان شخص غيره لم يعرف شغف الحب سابقا لكان الامر عاديا بالنسبة له ولكن قلبه يطمع باكثر من هذا

.لكم يتمنى لو كان قلبه بيديه لكان اعطاه لها عن طيب خاطر فهى الفتاة المناسبة له والتى تريدها والدته زوجة له ايضا هكذا يخبره عقله ولكن عفوا القلب له حسابات اخرى

. فجاه شاهد شئ بالاخبار جعله يغضب و يضغط بقوة على كاس العصير بيده فيتهشم مخلفا جرح بيده

..منى بخضة .فى ايه يازياد..ياخبر ده ايدك اتعورت اخرجت منديل من حقيبتها لتضمدها له

..لكنه نهض مهرولا الى الخارج

. رايح فين يا زياد

معلش يامنى لازم امشى حالا افتكرت حاجة مهمة ..اكرم ياريت توصل منى معاك فى طريقك

..ثم ذهب من امامهم كالعاصفة

_ نبيل حصلنى على المكتب حالا

___________________

استلقت على فراشها منهكة بعد يوم مضنى من التعب كعادة كل يوم ثم امسكت صورة عمر وتحدثت معها كعادتها

____متشوقة اوى انى اشوفك بدل ما تكون صورة تكون قدامى فى الحقيقة بشحمك ولحمك .النهاردة تعبت اوى فى شغل البيت ومرات ابويا المفترية دلقت عليا كمان الشاى السخن وحرقت ايدى بحجة انه ناقص سكر انا مش عارفة هى مبتحبنيش ليه هى ولا بتها

مع انى مبقولهاش غير حاضر وطيب ياريتنى كنت روحت مع ماما وسارة

سارة دى على فكرة تبقى تواءمى كانت اقوى منى بكتير وكانت دايما بتحمينى ومبتخليش حد يقرب منى .مع انى انا الاكبر اكبر منها بخمس دقايق يعنى

ياااوحشونى اوى اوى

اكيد حياتى كانت هتبقى احسن من كده وانا معاهم وكنت كملت تعليمى .كان نفسى اوى ادخل كليه الاثار اصلى من صغرى وانا بحب التاريخ .

تفتكر لسه فكرنى ولا نسيونى هما كمان زى ما الدنيا نسيتنى _وحشونى اوى

___________________

اشرق وجهها عندما وجدته يدخل عليها الغرفة

زياد...عاملة ايه دلوقتى؟

..الحمد لله انا مديونالك بحياتى لولا....

زياد ببرود

..يا ترى جاهزة دلوقتى تقوليلى الحقيقة

.انا عمرى ماكدبت عليك يا زياد .حتى لما كنا

..زياد مقاطعا مرة اخرى

سيبك دلوقتى من كان وكنا واحكيلى اللى حصل معاكى بالظبط ومن غير كذب والا قسما بالله لسلمك انا بايدى للشرطة

.سارة ببكاء وشهيق يجعل صوتها متقطعا ...جوز ماما.... الاخرانى .....اصغر منها يجى بعشر سنين وكان ..كان

_بطلى عياط مش فاهم منك حاجة

واحد صايع ...وبلطجى والمطواة مبتفرقش جيبه

زياد بتهكم ..ما شاء الله امك بتغير فى الرجالة كانها بتغير شربات ونعم الام بصراحة

زادت اكتر فى البكاء

اامى اختفت زادت فى بكاءها اكثر

_ الواطى خفاها وانا معرفش طريقها فين

_ مكفهوش انه طول الوقت بيتحرش بيا وبيطول ايده ول**نه عليا انا وامى لا كمان كان عايز يجوزنى راجل قد ابويا ولما رفضت وثورت عليه وضعت يدها على وجهها تتحسس جرحها .وقد فهم زياد اشارتها..عملى الجرح ده عشان ملاقيش حد يبص فى وشى ويتجوزنى ..

زياد بحدة..و فين الزفت اللى سبتينى عشانه ازاى يسمح يحصلك كل ده

سارة بتوتر_اح نا سيبنا بع ض من زمان

..لم تستطع ان تخبره انه هو من تركها وانه لم يكن جديا معها و فقط يتسلى معها حتى لاترى نظرات الشماتة على وجهه

زياد بفضول .يعنى ما اتجوزتوش

..حركت راسها يمينا ويسارا

تكاد تقسم انها لمحت طيف ابتسامة على طرف شفتيه سرعان ما تبدلت الى نظرة قاسية

_.مش قادر ااقولك تستاهلى لانى للاسف مش من النوع اللى بيعرف يشمت فى حد حتى لو اعدائه

..سارة باستنكار

..انا بقيت عدوتك يا زياد ؟

زياد ببرود ..خلينا فى موضوعنا .. كملى

بعدها هربت من البيت واشتغلت فى محل ملابس واخدت كده اوضة صغيرة فوق السطوح وابتديت ارتاح واسيطر على حياتى من تانى لحد اما عرفوا طريقى ولاقيت 5 رجالة داخلين عليا الوضة ومعاهم حامد جوز امى ض*بونى وكتفونى وخدونى رمونى فى شقة ولا قيت الراجل الكبير ده داخل عليا

زاد بكاءها اكثر

كان بيحاول يغتصبنى شوفت ساعتها طبق فاكهة محطوط جنب السرير وكان فيه سكينة صغيرة كده ..سايرته لغاية ما فكنى وبعدين غرزت السكينة فى قلبه بس هو عافر معايا جامد لغاية ما عورنى انا كمان

صقف لها بسخرية

برافو .بصراحة اذهلتينى وقدرتك فى التمثيل لسه زى ماهى متأثرتش بجد ابهرتينى

.. واللهى العظيم ما كدبت عليك فولا حرف يازياد وكل كلمة قلتها حصلت حقيقى والجرح اللى فى وشى ده يشهد عليا

..زياد بحدة وهو يلقى امامها الجريدة بغضب

_واللى مكتوب هنا ده تسميه ايه ؟

مكتوب ايه ؟

مكتوب ان الراجل اللى ض*بتيه وهربتى بعدها ده يبقى جوزك و ظبطك مع عشيقك وعشان كده حاولتوا تقتلوه