بشرى سارة

الفصل الحادى عشر

بسم الله الرحمن الرحيم

وبه نستعين

اللهم ارفع عنا البلاء والوباء ونجنا من كل داء

كل سنة وانتم طيبين النهاردة ليلة الاسراء والمعراج تنعاد عليكم يارب بالخير والبركة

الفصل الحادى عشر (بشرى سارة)

بعد 10 ايام

بدأت بشرى تستجمع نفسها مرة اخرى بعد حزنها على فقدان والدها بمساندة تولين ومازن لها وحبها لعمر التى تتعلق به يوما بعد يوما وهو الاخر لم يعد يستطيع المكوث بدونها ابدا كانه طفل صغير يتشبث بوالدته

تعددت لقاءات مازن وتولين وشعرا كلا منهما انه وجد نصفه الاخر وقد اتفقا على ان يتقدم لها بوقت قريب

فشلت محاولات عبله فى جعل تميم يتلقى العلاج بل واصبح يتناول جرعته امامها بكل وقاحة ولم تعد تستطيع فعل شى معه

اما عن زياد وسارة فقد تجاهلته سارة تماما بعد تلك الليلة الذى اشعرها بها انها رخيصة ولا تعنى له شئ

اما هو فقد كان خلال هذا الوقت يراقبها بعين الصقر وفرح كثيرا عندما رفضت اتصالات حازم لها وحذرته من قائمة الاصدقاء لديها و قدحاول كثيرا ان يتحدث معها ولكنها كانت تجيبه فقط باجابات مقتضبة ولم تعد تهتم به ولا بطعامه واذا راته بمكان كانت تدير ظهرها وتبتعد عنه حتى عندما كان يقوم بايصالها لوالدتها ويتعمد لمسها ووضع ذراعه حوله ويوهم نفسه انه يفعل ذلك لكى يطمئن والدتها انهما زوجان سعيدان كان يشعر انها تنفر منه وهذا الشعور جعله يكاد يفقد عقله

حتى عاد من عمله يوما وهو يتظاهر بالمرض

...كح كح

ام سعيد ..يا حبيبى يا بنى شكلك واخد برد جامد

زياد وهو يتطلع بسارة ..يظهر كده..كح.. كح

نظرت سارة اليه بقلق ولكنها منعت نفسها ان تقترب منه او تريه لهفتها عليه خشيه ان يهينها مجددا فهى لم تعد تحتمل اسلوبه الفظ او كلامه الجارح لها

..ام سعيد ..انا هروح اعملك حاجة سخنة تشربها

..سارة _ لا خليكى انتى يا ام سعيد ان اعرف وصفة اعشاب هتريحه اوى هدخل اعملهاله

.ابتسم زياد لا هتمامها به وقد ظن ان خطته قد نجحت وانها بالتاكيد بنهاية اليوم لن تتحمل الا وقد اقتربت منه وتحدثت معه.دخلت سارة المطبخ لتعد له مشروبا من خلطة اعشاب شهيرة

زياد.بمكر .امشى انتى يا ام سعيد عشان متتاخريش على عيالك

.طب متخلينى هنا الليلة يا بيه لاحسن تحتاج حاجة

..ابتسم بخبث

..المدام معايا لو احتجت حاجة هى هتاخد بالها منى

_ربنا يهدى سركم و يخليكم لبعض يارب_ طب بعد اذنك

______________________

.ايه رايك يا مازن لو تا خدلك عيادة جنب عيادتى او حتى تاخد اوضة منها المفروض تعملك اسم دلوقتى خاص بيك وتزود دخلك

.مازن بسرحان . طبعا .طبعا

نادر ???

اخيرا انتبه له مازن...فى ايه ؟بتضحك على ايه ؟

_على حالتك الصعبة دى

حالتى انا؟

نادر بتهكم ._ لا انا ؟ مالك يابنى قاعد معايا سرحان ؛ بكلمك بترد عليا فى حاجة غير اللى بتكلم فيها خالص انت بتحب ولا ايه يا دوك

..

..جذب مازن كرسيه واقترب منه اكثر

.جبت التايهه يا دوك بصراحة انا واقع لشوشتى وخلاص عايز اكمل نص دينى

نادر بابتسامة ..ومين بقى تعيسة الحظ? قصدى سعيدة الحظ اللى قدرت تجيبك على بوزك دى اكيد امها وابوها داعين عليها

مازن بمشا**ة..بقى كده طب ايه رايك بقى انى من بكره هرجع القاهرة واسيبك ترجع تقعد لوحدك تانى زى قرد قطع وارجع لخالتى حبيبتى

على الاقل اترحم من طبيخك ده اللى بوظلى معدتى

نادربتهكم . وانا اقول الواد متلخبط كده ليه وكل يومين تلاتة عايز ينزل القاهرة .اتاريك مقضيها

مازن بمزاح?..لا ارجوك اوعى تفهمنى صح .ده عشان عمر

_ياوااد .عمر بردو ? على بابا

.. ربت نادر على كتفه

ده يوم المنى يامازن لما افرح بيك واجوزك بس يارب حظك يطلع احسن من حظى

..تن*د مازن بضيق

..انسى بقى يا نادر وشوف حياتك منتاش اول واحد فى الدنيا اتجوز وانفصل

..قصدك اتخان

.. ايا كان صوابعك مش زى بعضها .حظك وقع فى واحدة واطية واد*ك خلصت منها وطلقتها واحمد ربنا ان مكنش فى بينكم اولاد

..سيبك منى انا دلوقت وكلمنى على نصك الحلو .بتحبها؟

بحبها ..ده انا واقع لشوشتى

طب وهنفرح فيك امتى ؟

_ ..مضطرين يا سيدى نستنى شوية عشان صاحبتها انتيمتها ابوها اتوفى ومش عايزة تفرح من غيرها وكمان يمكن ناجلها لبعد عملية عمر اردف

بخبث _ عايز افضيلها نفسي تماما واخدها شهر عسل تحلف بيه

..لا صاحبة واجب وشكلها بنت اصول فعلا

تن*د بهيام _مش بقولك

معاك صورة ليها ؟

ايوة استنى ..جلب هاتفه واراه صورتها

..يابن الايه لا حلوة فعلا

..امسكه مازن من قميصة بمزاح

لا بقولك ايه يا دكتور انت اخويا اه بس تبص للحتة بتاعتى فيها قطع رقاب

_

رن جرس هاتفه مقاطعا

..الو ايوة يا مدام بشرى

..بشرى بصوت خفيض. صلاح مسافر بكره على تايلاند وبيقول هيقعد اسبوعين هناك

..نهض مازن بسعادة

..هايل كده نقدر ندخل عمر المستشفى ونجهزه للعمليه خلال اسبوع بالكتير وانا هكون عندك بكره

__________________

سارة__ام سعيد ..ام سعيد

راحت فين دى ؟ نظرت من نافذة المطبخ وراتها وهى تخرج من المبنى

_اوووف ....هتضطر انا اوديله الكوباية بنفسى وامرى لله

طرقت على باب الغرفة

فااعتدل قليلا ووضع المنديل على انفه .. يتصنع العطس .اتسشى

سارة..يرحمكم الله

.وضعت الكوب على الكومود بجانب السرير وكانت على وشك الخروج عندما ناداها زياد

..سارة

_ايوة .محتاج حاجة تانى

زياد متاوها بتصنع..ممكن تجسيلى حرارتى ؟ انا حاسس انى عندى حما ومش هيطلع عليا نهار

..بعد الشر عنك متقولش كده ..اقتربت منه ووضعت كفها على جبهته

..مفيش حرارة ..

_لا انتى بيتهيالك طب هاتى الترمومتر كده ..اشار لها على مكان بالغرفة هتلاقيه فى علبة الاسعافات اللى فى البوفيه

..جلبته له ووضعته تحت ل**نه

_ممكن تجيبلى كوباية ماية؟

..حاضر ثوانى بس

فور ان ذهبت وضع جهاز الترمومتر بكاس الاعشاب الساخن ثم وضعه بفمه مرة اخرى قبل ان تدخل

..اعطته الماء ثم سحبت جهاز الترمومتر من فمه

سارة بقلق ..ياخبر دى حرارتك 39 اردفت باستغراب

_ بس مش باين عليك خالص اخرجت خافض للحرارة من علبة الاسعافات

خد البرشامة دى ؛ناولته كوب الماء ولو الحرارة فضلت عالية يبقى لازم نروح المستشفى

.

..جذبها لتجلس بجانبه

..مفيش داعى انا خدت الدوا اهو

وكمان هشرب كوكتيل الاعشاب الغريب بتاعك ده وهدفا كويس واصحى الصبح كويس ان شاء الله

.... بس لو تعبت اكتر هود*ك المستشفى من غير اعتراض ماشى _

ماشى

_طب تصبح على خير

.. ايه .؟استنى راحة فين ؟

_عايز حاجة تانى ؟

_ممكن تعدليلى المخدة

رفعت الوسادة قليلا وهى تميل عليه بجذعها وهو مغمض العينين يستنشق رائحة جسدها باشتياق

.كويس كده ؟

..لا نزليها شويها ..اقتربت اكثر حتى غطى شعرها وجهه وعنقه .

..مرتاح كده ؟

تمتم لنفسه يخربيت كده انا شكلى هسخن بجد

مد ذراعه على خصرها وجذبها عليه لتقع على الفراش داخل حضنه ..

هرتاح اكتر وانتى فى حضنى

.انتفضت بسرعة وركضت الى الخارج

ليظفر بضيق ويلقى بالوسادة على الارض بسخط بينما هى وقفت بالخارج تلتقط انفاسها المتلاحقة وهى تضع يدها على ص*رها الذى يعلو ويهبط بسرعة ناداها مرة اخرى .سااارة

..نعم

..ممكن تعمليلى حاجة اكلها اصلى جعان اوى الظاهر ان العيا عملى هبوط وحاسس انى هفتان

.. طيب هعملك شوربة خضار ..بتحبها ؟

.اوما لها اى حاجة من ايدك حلوة

دخلت المطبخ لتجده خلفها بعد ثوانى

_ايه اللى نزلك من اوضتك ؟

_ هساعدك

انت بتعرف تطبخ ؟

طبعا ده انا استاذ وهتشوفى بنفسك

بس انت تعبان ارتاح انت

...لا انا زهقت من القاعدة

كانت كلما مرت من جانبه او التقطت شئ فى نفس اللحظة التى يلتقطه بها ولا مست ايديهم شعرا بتيار كهربى يسرى فى جسديهما وقف خلفها ليتيح لها المجال لتتحرك بحرية ويا ليته ما فعل

فقد فقد ما تبقى له من سيطرته على نفسه ولم يعد يستطع المقاومة اغمض عيناه وتسمر مكانه ليسحب عبق عطرها و عبير خصلاتها الى خلاياه

وقد شعرت هى ايضا ان الجو اصبح مشحون بينهم للغاية فحمحمت بتوتر

..تحب تشرب حاجة مع الاكل .. هعصرلك برتقال ام سعيد جابته الصبح من السوق

..ممكن . بس انا اللى هعصره

.. ذهب الى السفرة واخذ سلة البرتقال ولكن سقط منه عدة حبات على الارض فانخفضا كلاهما ليلتقطاه معا فتلاقت ايديهما وعيونهم فى نظرة طويلة سارةبهمس

..ما تبصليش كده

..زياد بهمس مماثل

.. ببصلك ازاى

..بتبصلى بصة عمر ما حدبصهالى قبل كده ..

..غصب عنى

اقترب اكثر ليلتقط منها قبلة ولكنها وضعت يدها على ثغره لتمنعه بضعف من قربه..

اخذ كفها الموضوع على فمه وقبله ببطء ثم وضعه بين راحتيه.. .قوليلى انك بتحبينى يا سارة وانك مستحيل تسبينى

سارة لنفسها بس انا قولتلك يا زياد بس انت مصدقتنيش عارف ليه لانك مبتثقش فيا وهتفضل تشك فيا مهما قولت وعملت

ليستطرد زياد معلنا عن مخاوفها وكانها كانت تقرا افكاره

.نسينى اللى عملتيه فيا خلينى ارجع اثق فيكى تانى وانا مستعد اسامحك وضع جبهته على جبهتها صدقينى انا عايز اسامحك .بس

..قاطعته ساره بتجهم وهى تنهض مبتعدة عنه

..اطلع نام يا زياد انت تعبان وانا لما اخلص الاكل هبقى اصحيك

__________________

اكرم تصدق انك واد ندل يعنى ايه مش هتيجى طب بلاش عشانى مش عايز تحضر فرح اختك

يا فارس ده انت بقالك سنتين منزلتش فيهم ولا مرة

فارس._------------

دراسة ايه دى اللى بتحجج بيها ما الامتحانات عندكم خلصت خلاص ولا انت بتشتغلنى وفاكرنى مش عارف .

تن*دت نيرة بضيق ..ريح نفسك يا اكرم فارس مش هينزل وخصوصا بعد ما عرف ان فرح منى وزياد فى نفس ليلة فرحنا

..نظر لها اكرم باستغراب ثم انهى المكالمة مع فارس

..كلامنا لسه مخلص وهتحضر يعنى هتحضر ..بس سلام مؤقتا

..فى ايه يا نيرة تقصدى ايه بانه مش هينزل عشان فرح زياد ومنى نفس ليلة فرحنا ؟

.اخرجت زفيرا حارا

.. فارس بيحب منى يا اكرم

..اكرم بصدمة

..انتى بتخرفى بتقولى ايه يا نيرة

.بقول الحقيقة ..انا الوحيدة اللى لاحظت حبه ليها من واحنا عيال صغيرين بس لما عرف حبها لزياد فضل انه يبعد بحجة انه عايز يكمل تعليمه بره عشان ميتعذبش كل ما يشوفهم مع بعض

..وايه اللى يخليه ساكت ده كله متكلمش ليه

..هيقول ايه بس هى وبتحب اخوه ووفقت جنبه ايام ازمته مع البنت اللى كان بيحبها وماما

طول عمرها بتتمناها لزياد و بتتعامل معاها على هذا الاساس

..انا لازم ااقول لزياد ..

لا وحياتى عندك يا اكرم..فارس قايلى ان ده سر وحتى اتضايق لما لاقانى عارفة بس انت عارف بقى انى مبعرفش اخبى عليك حاجة

__نيرة احتفاظنا بسر زى ده معناه ان احنا بناذى 4 اشخاص فارس وزياد وسارة وحتى منى نفسها اذا بتتجوز واحد مبيحبهاش ولا عمره فكر فيها

نيرة بصدمة ..انت بتقول ايه يا اكرم زياد وسارة سابو بعض من زماان

..رجعوا لبعض تانى

..نععم والكلام ده من امتى؟

**ت فجاه عندنا لمح عايدة تقترب منهم

..اكرم بصوت خفيض ..قفلى دلوقتى على السيرة دى احسن امك جاية علينا

..عايدة بحدة

.. فين زياد يا اكرم

اكرم بتهكم. فى جيبى

عايدة بغضب انا مبهزرش يا اكرم

..اكرم بتوتر..زياااد ؟اكيد فى الشغل يعنى هيكون فين؟

..شغل شغل ماهو طول عمره بيشتغل بس عمره ماكان بيختفى بالايام كده ومحدش يعرف عنه حاجة

قولى الحقيقة زياد بيعرف واحدة تانية على منى

نظر كل من نيرة واكرم لبعضهم البعض بقلق

..انا معرفش حاجة عنه ياطنط اما يجى ابقى اساليه

..عايدة بتهكم..عليا انا بردو ما نا عارفة ان سركم انتوالاتنين كله مع بعض

..اد*كى قولتى يا حماتى سرنا ينفع بردو اطلع سر صاحبى بره _عض على شفتيه بعد ما انفلت ل**نه رغما عنه وبدلا من ان ينفى اكد الامر لها اكثر

.

عايدة..يعنى فى سر اهو؟

ادرك اكرم انه قد لخبط الاجواء اكثر وجعلها تشك اكثر بزياد خاصة مع نظراتها تلك المتوجسة التى ترمقه بها

(يعنى بدل ما يكحلها عماها ? )

________________________

...طاوعينى انتى بس وخديلك شمة وانتى هتشوفينى قدامك فشر كاظم الساهر يعنى انا دلوقتى مثلا شايفك قدامى اجمد من هند رستم فى عزها

نظرت اليه باشمئزاز ثم

..اطاحت بيده فوقع المسحوق من يده على الارض

..فصفعها حمادة بقوة على وجهها

.انتى اتجننتى يابت انتى عارفة الحبة اللى انتى رمتيهم دول بكام

..يطلعوا زى ميطلعوا انا مالى فاكر نفسك هتضحك عليا وتخلينى عبدة للسم الهارى ده عشان تعرف تسيطر عليا وتروضنى زى ما عملت مع اخويا ده بعدك

..امسكها حمادة من شعرها

..انا مش محتاج للسم ده عشان اسيطر عليكى انتى اصلا بقيتى ملكى وتحت طوعى واقدر اعمل فيكى اللى انا عايزه قربها منه وقبلها بعنف حتى ادمى شفتيها فدفعته منة ورددت بضيق وغضب

..ياخى ابعد عنى بقى بكرهك مش طايقاك ولا طايقه ريحتك وشكلك

.صفعات ولكمات متتاليه هوى بها على وجهه وجسدها حتى وقعت على الارض

.وحياة امك لا ربيكى يا منة ومن هنا ورايح هتعيشى هنا مذلولة خدامة وبس ومن بكرة تنزلى لامى تخدميها وتشوفى طلباتها واياك اسمع انها اشتكت منك

ولنفسه واللهى

لارميكى رمية الكلاب و هتتمنى بس وتتوسليلى كمان عشان ابصلك او اقرب منك وانا اللى مش هعبرك

....ودلوقت غورى من وشى روحى حضريلى طفح اتسممه جاتك الارف فى شكلك .وليه نكديه

جلست مكانها تبكى الى ان جاءها صوته مره اخرى كالرعد

_ قلت فزى قومى يله

_________________________

_جمعت بعض الثياب لعمر فى حقيبة صغير

استعدادا للذهاب الى المشفى

..عمر..بتعملى ايه يا بشرى؟

هنروح انا وانت رحلة

..رحلة ؟رحلة يعنى ايه ؟

.. ..شردت قليلا

رحلة هيتغير بعدها حاجات كتير اوى فى حياتنا وضعت كفها على جانب وجهه

..بس عايزاك تعرف انه مهما حصل ..هفضل احبك طول عمرى

..وانا كمان يا بشرى بحبك اوى

..طب خليك فاكر كلامك ده كويس عشان هفكرك بيه بعدين يله بقى عشان اغيرلك هدومك مش عايزين نتاخر على مازن

.عمر بسعادة ..هو مازن هيجى معانا فى الر حلة

..ايوة

اخذ يقفز بسعادة ..هيه هيه هيه

.اطلقت تنهيدة حارة ..هيوحشنى اوى عمر ده ببرائته واعتماده عليا وتعلقه بيا اللى بيحسسنى انى ليا قيمة كبيرة فى الدنيا ياترى عمر الجديد هيبقى شكله ايه ياترى هيحبنى وانا هقدر احبه ولا لا

تساؤلات كثيرة تطرح نفسها على عقلها تن*دت لتظفر زفيرا حارا وتنحى افكارها جانبا وتتركها لرب العالمين فهو ادرى واعلم منها

____________________________

التفاعل فضلا وليس امرا