Nakangiting lumapit si Andrea kay Julia matapos siyang ipakilala ng kaniyang ama sa mga bisita sa party na iyon. Sinadya niyang bagalan ang paglalakad kahit na matalim ang tinging ipinupukol nito sa kaniya. Tinaasan siya nito ng kilay nang humila siya ng upuan sa tabi nito.
"Sino na nga ulit 'yong may sugar daddy?" nakangisi niyang tanong sa dalaga.
Kung nakakasunog lang siguro ang tingin nito sa kaniya ay kanina pa siya naging abo.
"Aren't you happy? Wala ka nang kaagaw sa pagiging Miranda mo. Sayong-sayo na ang daddy mo at ang 'kayamanan' niya," mapanuya niyang sabi at pagak na tumawa. Habang si Julia naman ay namumula na sa galit. Nakakuyom na ang kamao nitong nakapatong sa kandungan nito.
"Hindi pa tayo tapos, Andrea," gigil nitong banta sa kaniya. Pero sa halip na matakot ay nag
