"Ayos ka lang, Sanara?" nag-aalalang tanong ni Sheena.
Tumango lang ito bilang tugon. Hindi pa rin kasi nito makalimutan ang naganap sa Karr. Muntikan na siyang mapaslang ni Necós. Kung hindi lang dumating ang mga kaibigan ni Asyanna baka napatay na siya ng pinuno ng Rebellion.
"Huwag mo nang isipin si Necós. May ugnayan lang kayo dahil sa dugong nananalaytay sa ugat ninyo. Pero, sa espiritu hindi. Tandaan mo ikaw na ngayon si Asyanna. O, kung nais mong palitan na ang pangalan mo. Sanaya, gusto mo ba?" ani Sheena.
Napangiti siya sa suhestiyon nito. Sanaya? Kay gandang ngalan. Mukhang bagay na bagay sa kaniya.
"Sanaya. Tamang-tama dahil isa na ako ngayong bagong nilalang. Hindi na ako si Asyanna dahil iba na ang katawan ko. Hindi na rin ako si Sanara dahil iba ang espiritu ko. Sa madali
